20 Moize vutudilaka bo nde: “Kana beno ta sala diambu yai: Beno baka binwaninu na ntwala ya Yehowa sambu na bitumba;+ 21 mpi kana konso muntu na kati na beno kubaka binwaninu mpi kusabuka Yordani na ntwala ya Yehowa ntangu yandi ke kula bambeni na yandi na ntwala na yandi+ 22 tii kuna ntoto yina ta kuma na nsi ya kiyeka ya Yehowa,+ na nima beno lenda vutuka+ mpi beno ta vanda ve ti makambu na ntwala ya Yehowa mpi ya Izraele. Ebuna ntoto yai ta kuma dikabu na beno na ntwala ya Yehowa.+