16 Yo yina bo kotisaka Sanduku ya Nzambi ya kieleka mpi tulaka yo na kati ya tenta yina Davidi tedimisaka sambu na yo;+ ebuna bo pesaka makabu ya kuyoka mpi bimenga ya kinduku na ntwala ya Nzambi ya kieleka.+ 2 Ntangu Davidi manisaka kupesa makabu ya kuyoka+ mpi bimenga ya kinduku,+ yandi sakumunaka bantu na zina ya Yehowa. 3 Diaka, yandi kabudilaka bantu yonso ya Izraele, konso bakala mpi konso nkento, dimpa mosi ya bo me sala bonso lupetu, gato mosi ya bo me sala na mbuma ya bo ke bingaka dati, mpi gato mosi ya bo me sala na mbuma ya vinu.