31 Yai bantu yina Davidi tulaka sambu na kutwadisa bankunga na nzo ya Yehowa na nima ya kutula Sanduku kuna.+ 32 Bo vandaka ti kisalu ya kutala mambu ya bankunga na nzo-tenta ya tenta ya lukutakanu tii kuna Salomo tungaka nzo ya Yehowa na Yeruzalemi,+ mpi bo vandaka kusala kisalu na bo mutindu bo pesaka bo bantuma.+

16 Na nima, Davidi songaka bamfumu ya Balevi na kutula bampangi na bo miyimbi-bankunga sambu bo yimba na kiese yonso, nzila mosi ti bima ya kubudila miziki: bima ya kubudila miziki ya kele ti bansinga, bakidare,+ mpi basembale.+

37 Na nima Davidi bikisaka Asafi+ ti bampangi na yandi pana na ntwala ya sanduku ya kuwakana ya Yehowa sambu na kusala ntangu yonso na ntwala ya Sanduku,+ na kutadila mutindu bo ke salaka konso kilumbu.+

42 mpi bantu yai: Emani+ ti Yedutuni vandaka ti bo sambu na kubula bampungi, basembale, mpi bima ya bo ke sadilaka sambu na kukumisa* Nzambi ya kieleka; mpi bana ya Yedutuni+ vandaka na kielo.

25 Diaka, Davidi ti bamfumu ya bimvuka ya kisalu kabulaka ndambu ya bana ya Asafi, ya Emani, mpi ya Yedutuni+ sambu bo bikula ti bakidare, ti bima ya kubudila miziki ya kele ti bansinga,+ mpi ti basembale.+ Yai lisiti ya bantu yina vandaka ti kiyeka sambu na kisalu yai,