20 Ahabi tubilaka Eliya nde: “A mbeni na mono, nge me mona mono!”+ Yandi vutulaka nde: “Mono me mona nge. ‘Sambu nge kele ti lukanu ya* kusala mambu ya mbi na meso ya Yehowa,+ 21 tala, mono ke natila nge mpasi, ebuna mono ta komba nge kibeni mpi ta manisa babakala yonso*+ ya nzo ya Ahabi, ti bantu yonso ya me konda lusadisu mpi ya kele ve ngolo na Izraele.+

8 Ntotila ya Izraele tubilaka Yehoshafati nde: “Kele diaka ti muntu ya nkaka yina beto lenda yula Yehowa na nzila na yandi;+ kansi mono ke mengaka yandi,+ sambu yandi ke bikulaka ve ata fioti mambu ya mbote sambu na mono, kansi yandi ke bikulaka kaka mambu ya mbi.+ Yo kele Mikaya mwana ya Yimla.” Kansi Yehoshafati tubaka nde: “Ntotila fwete tuba ve mutindu yina.”

15 Yo yina, Yehowa wilaka Amasia makasi mingi, mpi yandi tindaka mbikudi mosi yina tubilaka yandi nde: “Sambu na nki nge ke landa banzambi ya bantu yina gulusaka ve bantu na bo na maboko na nge?”+ 16 Ntangu yandi vandaka kutubila yandi, ntotila tubaka nde: “Keti beto tulaka nge ndongisi ya ntotila?+ Yambula!+ Sambu na nki bo fwete fwa nge?” Ebuna mbikudi yambulaka, kansi yandi yikaka nde: “Mono me zaba nde Nzambi me baka lukanu ya kufwa nge, sambu nge me sala diambu yai mpi nge me wa ve ndongisila na mono.”+

6 “Beno pesa ve kima yina kele ya santu na bambwa, beno losa mpi ve mayaka na beno na ntwala ya bangulu+ sambu yo niata yo ve ata fioti na nsi ya makulu na yo na nima yo balukila beno mpi yo lwadisa beno ngolo.