8 Yo yina, Hirami tindilaka Salomo ndinga nde: “Mono me wa nsangu yina nge tindilaka mono. Mono ta sala mambu yonso ya nge ke zola mpi ta pesa nge banti ya sedre mpi ya yenevriye.+ 9 Bansadi na mono ta kulumusa yo katuka na Libani tii na nzadi-mungwa, mpi mono ta kangisa yo na bita mpi ta bika nde yo leluka na zulu ya nzadi-mungwa tii na kisika yina nge ta songa mono. Mono ta kangula yo kuna, ebuna nge ta nata yo. Sambu na bima yina, nge ta pesa mono madia yina mono ta lomba sambu na bantu ya nzo na mono.”+