• 2 Bansangu 36:17
    Biblia—Mbalula ya Nsi-Ntoto ya Mpa

    • 17 Yo yina, yandi tindilaka bo ntotila ya bantu ya Kaldea,+ yina fwaka baleke na bo ya babakala na mbele ya bitumba+ na nzo ya kisika na bo ya santu;+ yandi waka ve mawa sambu na leke ya bakala to mwense, sambu na mununu to muntu ya kele ti kifu.+ Nzambi pesaka bima yonso na maboko na yandi.+

  • Ezekiele 29:19
    Biblia—Mbalula ya Nsi-Ntoto ya Mpa

    • 19 “Yo yina, Yehowa Mfumu ya Kuluta Nene me tuba nde, ‘Tala! Mono ke pesa insi ya Ezipte na ntotila Nebukadenezare* ya Babilone,+ mpi yandi ta kwenda ti kimvwama na yo mpi ta baka na kati na yo bima mingi ya kubotula mpi ya kuyiba; ebuna yo ta kuma lufutu sambu na basoda na yandi.’

  • Daniele 5:18, 19
    Biblia—Mbalula ya Nsi-Ntoto ya Mpa

    • 18 Kansi nge, O ntotila, Nzambi ya Kuluta Zulu pesaka tata na nge Nebukadenezare kimfumu, bunene, nkembo, mpi lukumu.+ 19 Sambu na bunene yina Nzambi pesaka yandi, bantu yonso, makanda yonso mpi bandinga yonso vandaka kutekita na boma na ntwala na yandi.+ Konso muntu yina yandi zolaka kufwa, yandi fwaka yandi, konso muntu yina yandi zolaka kubika na luzingu, yandi bikaka yandi na luzingu, konso muntu yina yandi zolaka kutombula, yandi tombulaka yandi, mpi konso muntu yina yandi zolaka kupesa nsoni, yandi pesaka yandi nsoni.+