6 Na bilumbu ya ntotila Yoziasi,+ Yehowa tubilaka mono nde: “‘Keti nge me mona mambu yina Izraele ya kukonda kwikama me sala? Yandi me kwenda kusala kindumba+ na konso ngumba ya nda mpi na nsi ya konso nti yina kele ti matiti mingi. 7 Ata na nima ya kusala mambu yai yonso, mono landaka kusonga yandi na kuvutukila mono,+ kansi yandi vutukaka ve; mpi Yuda landaka kutala mpangi na yandi ya nkento yina kele muyekudi.+ 8 Ntangu mono monaka yo, mono kulaka Izraele ya kukonda kwikama ti mukanda ya kufwa makwela+ sambu na bizumba na yandi.+ Kansi Yuda mpangi na yandi ya nkento yina kele muyekudi waka boma ve; yandi mpi basikaka mpi salaka kindumba.+

46 “‘Mbuta na nge ya nkento kele Samaria,+ yina ke zingaka na ndambu na nge ya nordi* ti bana na yandi ya bankento,*+ mpi leke na nge ya nkento, yina ke zingaka na ndambu na nge ya sudi,* kele Sodome+ ti bana na yandi ya bankento.+ 47 Nge tambulaka kaka ve na banzila na bo mpi nge landaka kaka ve mambu na bo ya mbi, kansi na ntangu fioti bikalulu na nge yonso vandaka ya kubeba kuluta ya bo.+