• Yezaya 9:6, 7
    Biblia—Mbalula ya Nsi-Ntoto ya Mpa

    •  6 Sambu bo me butila beto+ mwana,

      Bo me pesa beto mwana mosi ya bakala;

      Mpi luyalu* ta vanda na zulu ya mapeka na yandi.+

      Bo ta bingaka yandi Ndongisi ya Mayele,+ Nzambi ya Ngolo,+ Tata ya Kukonda Nsuka, Mfumu ya Ngemba.

       7 Luyalu* na yandi ta yalumuka

      Mpi ta vanda na ngemba kukonda nsuka,+

      Na zulu ya kiti ya kimfumu ya Davidi+ mpi na zulu ya kimfumu na yandi

      Sambu na kutula yo ngolo+ mpi kupesa yo maboko

      Na nsadisa ya lunungu+ mpi ya masonga+

      Yantika bubu yai mpi kimakulu.

      Kikesa ya Yehowa ya makesa ta sala diambu yai.

  • Yezaya 16:5
    Biblia—Mbalula ya Nsi-Ntoto ya Mpa

    •  5 Ebuna bo ta tula kiti ya kimfumu ngolo na zola ya kwikama.

      Muntu yina ta vanda na zulu na yo na tenta ya Davidi ta vanda ya kwikama;+

      Yandi ta sambisa na mutindu ya mbote mpi ta zenga mambu nswalu na lunungu.”+

  • Yeremia 23:5
    Biblia—Mbalula ya Nsi-Ntoto ya Mpa

    • 5 “Tala! Bilumbu ke kwisa,” Yehowa muntu me tuba, “ntangu mono ta basisila Davidi lutangu* ya lunungu.+ Ntotila ta yala,+ yandi ta monisa mayele ya kubakisa mambu mbote-mbote; yandi ta sambisa na lunungu mpi na mutindu ya me fwana na insi yai.+

  • Ezekiele 37:24, 25
    Biblia—Mbalula ya Nsi-Ntoto ya Mpa

    • 24 “‘“Nsadi na mono Davidi ta vanda ntotila na bo,+ mpi bo yonso ta vanda kaka ti ngungudi mosi.+ Bo ta landa bankanu na mono mpi ta zitisa mbote-mbote bansiku na mono.+ 25 Bo ta zinga na insi yina mono pesaka nsadi na mono, Yakobi, kisika yina ba-nkaka na beno zingaka,+ ebuna bo ta zinga kuna kimakulu,+ bo ti bana na bo* ti bana ya bana na bo;+ mpi nsadi na mono Davidi ta vanda mfumu* na bo kimakulu.+

  • Zekaria 12:8
    Biblia—Mbalula ya Nsi-Ntoto ya Mpa

    • 8 Na kilumbu yina Yehowa ta vanda lutaninu na nziunga ya bantu ya Yeruzalemi;+ na kilumbu yina, muntu yina ke bula sakuba* na kati na bo ta vanda bonso Davidi, mpi nzo ya Davidi ta vanda bonso Nzambi, bonso wanzio ya Yehowa yina ke kwenda na ntwala na bo.+

  • Luka 1:31-33
    Biblia—Mbalula ya Nsi-Ntoto ya Mpa

    • 31 Mpi tala! nge ta baka divumu, nge ta buta mwana-bakala,+ mpi nge ta pesa yandi zina Yezu.+ 32 Yandi ta vanda muntu ya nene+ mpi bo ta binga yandi Mwana ya Muntu ya Kuluta Zulu;+ Yehowa* Nzambi ta pesa yandi kiti ya kimfumu ya tata na yandi Davidi,+ 33 mpi yandi ta yala bonso Ntotila na nzo ya Yakobi kimakulu, mpi Kimfumu na yandi ta vanda ve ti nsuka.”+