-
Kulonga 17:8, 9Biblia—Mbalula ya Nsi-Ntoto ya Mpa
-
-
8 Kana diambu mosi kubasika na kati ya mbanza na nge ya kele mpasi mingi sambu nge sambisa yo, mu mbandu kana muntu mosi me fwa muntu,+ me funda muntu, to me sala diambu ya nku, to kana mambu ya nkaka ya ke nata kuswana me basika, nge fwete telama mpi kukwenda na kisika yina Yehowa Nzambi na nge me sola.+ 9 Kwenda na banganga-nzambi yina kele Balevi mpi na zuzi yina ke sambisa+ bilumbu yina, mpi zabisa bo diambu yina, ebuna bo ta zabisa nge lukanu ya bo ta baka.+
-