3 Yo yina Yezu tandulaka diboko, yandi simbaka yandi, mpi tubaka nde: “Mono me zola! Kuma bunkete.”+ Na mbala mosi lepre na yandi manaka.+ 4 Ebuna Yezu tubilaka yandi nde: “Keba! Kuzabisa ve ata muntu mosi,+ kansi kwenda kudimonisa na nganga-nzambi,+ mpi pesa dikabu yina Moize tulaka,+ sambu na kumonisa bo nde nge me kuma bunkete.”

11 Ata bampeve ya mbi,+ konso ntangu ya bo vandaka kumona yandi, bo vandaka kufukama na ntwala na yandi mpi kutuba na ndinga ya ngolo nde: “Nge kele Mwana ya Nzambi.”+ 12 Kansi mbala mingi yandi vandaka kupesa bo ntuma ya ngolo na kuzabisa ve bantu kana yandi kele nani.+

35 Ebuna makutu na yandi kangukaka,+ mpi nsinga ya ludimi na yandi katukaka, mpi yandi yantikaka kutuba mbote-mbote. 36 Ebuna yandi pesaka bo ntuma na kusonga ve ata na muntu mosi,+ kansi ntangu yonso yina yandi vandaka kusonga bo mpidina, bo vandaka kutubila yo mingi kuluta.+