17 Ntangu Yezu vandaka kutombuka na Yeruzalemi, yandi nataka balongoki 12 na lweka, na kingenga, mpi tubilaka bo na nzila nde:+ 18 “Tala! Beto ke tombuka na Yeruzalemi, mpi bo ta pesa Mwana ya muntu na maboko ya bamfumu ya banganga-nzambi mpi ya bansekudi. Bo ta zengila yandi nkanu ya lufwa,+ 19 mpi bo ta pesa yandi na bantu ya makanda sambu bo seka yandi, bo bula yandi fimbu, mpi bo fwa yandi na zulu ya nti;+ ebuna na kilumbu ya tatu, yandi ta futumuka.”+

31 Diaka, yandi yantikaka kulonga bo nde Mwana ya muntu fwete kanga ntima na bampasi mingi, ebuna bankuluntu, bamfumu ya banganga-nzambi ti bansekudi ta buya yandi, mpi bo ta fwa yandi,+ mpi yandi ta futumuka na nima ya bilumbu tatu.+

31 Sambu yandi vandaka kulonga balongoki na yandi mpi kusonga bo nde: “Bo ta teka Mwana ya muntu na maboko ya bantu, mpi bo ta fwa yandi,+ kansi ata bo ta fwa yandi, yandi ta futumuka bilumbu tatu na nima.”+

22 kansi yandi tubaka nde: “Mwana ya muntu fwete kanga ntima na bampasi mingi, ebuna bankuluntu, bamfumu ya banganga-nzambi, ti bansekudi ta buya yandi, mpi bo ta fwa yandi,+ kansi na kilumbu ya tatu yandi ta futumuka.”+

31 Ebuna yandi nataka bantumwa 12 na lweka mpi tubilaka bo nde: “Tala! Beto ke tombuka na Yeruzalemi, mpi mambu yonso yina bambikudi sonikaka sambu na Mwana ya muntu ta lungana.+ 32 Mu mbandu, bo ta pesa yandi na maboko ya bantu ya makanda,+ bo ta seka yandi,+ bo ta sadila yandi mambu kukonda luzitu, mpi bo ta losila yandi mate.+ 33 Bo ta bula yandi fimbu, mpi na nima bo ta fwa yandi,+ kansi na kilumbu ya tatu, yandi ta futumuka.”+