• Bisalu 20:22, 23
    Biblia—Mbalula ya Nsi-Ntoto ya Mpa

    • 22 Ntangu yai, mpeve ke pusa mono na kukwenda na Yeruzalemi, ata mono me zaba ve mambu yina ta kumina mono kuna, 23 katula kaka nde na konso mbanza, mpeve santu ke landa kukebisa mono nde boloko mpi bampasi ke vingila mono.+

  • Bisalu 21:11
    Biblia—Mbalula ya Nsi-Ntoto ya Mpa

    • 11 Yandi kwisaka kisika beto vandaka, yandi bakaka mukaba ya Polo, yandi kudikangaka makulu ti maboko, mpi yandi tubaka nde: “Mpeve santu ke tuba nde, ‘Munkwa mukaba yai, Bayuda ta kanga yandi mutindu yai na Yeruzalemi,+ mpi bo ta pesa yandi na maboko ya bantu ya makanda.’”+

  • 2 Bakorinto 11:23-28
    Biblia—Mbalula ya Nsi-Ntoto ya Mpa

    • 23 Keti bo kele bansadi ya Kristu? Mono ke pesa mvutu bonso muntu ya kilawu, mono kele nsadi ya Kristu na mutindu ya kuluta: Mono me salaka kisalu mingi kuluta,+ mono me kotaka boloko mbala mingi kuluta,+ bo me bulaka mono mbala mingi kuluta, mpi mono me monaka lufwa na meso mbala mingi.+ 24 Mbala tanu, Bayuda bulaka mono bafimbu 40 katula mosi,+ 25 mbala tatu bo bulaka mono banti,+ mbala mosi bo losilaka mono matadi,+ mbala tatu maswa ya mono vandaka na kati bebaka,+ mono lutisaka mpimpa mosi ti mwini mosi na nzadi-mungwa; 26 mbala mingi na banzietelo, na bigonsa ya banzadi, na bigonsa ya miyibi, na bigonsa ya ke katuka na bampangi na mono mosi,+ na bigonsa ya ke katuka na makanda,+ na bigonsa na kati ya mbanza,+ na bigonsa na ntoto ya zelo na zelo, na bigonsa na nzadi-mungwa, na bigonsa na kati ya bampangi ya luvunu, 27 na kisalu ya ngolo mpi ya ke lembisaka, mbala mingi na bampimpa kukonda mpongi,+ na nzala ya kudia mpi na nzala ya masa,+ mbala mingi kukonda madia,+ na madidi mpi kukonda bilele.*

      28 Katula mambu yina yonso, kele ti mambu yina ke yangisa mono konso kilumbu: susi sambu na mabundu yonso.+

  • 2 Timoteo 1:12
    Biblia—Mbalula ya Nsi-Ntoto ya Mpa

    • 12 Yo yina mono ke mona mpi mpasi,+ kansi mono ke wa nsoni ve.+ Sambu mono me zaba Muntu yina mono me kwikilaka na yandi, mpi mono ke tula ntima nde yandi lenda tanina mambu yina mono me bumbaka na yandi tii na kilumbu yina.+