• Bisalu 9:1, 2
    Biblia—Mbalula ya Nsi-Ntoto ya Mpa

    • 9 Kansi Saule, yina vandaka kaka kupesa balongoki ya Mfumu boma+ mpi vandaka kaka kusosa kufwa bo, kwendaka na nganga-nzambi ya nene, 2 yandi lombaka yandi mikanda sambu na basinagoga ya Damasi, sambu bantu yonso yina kele bantu ya Nzila,+ babakala ti bankento, yina yandi ta kuta, yandi kwisa kunata bo na Yeruzalemi ya kukanga na bansinga.

  • Bisalu 26:9-11
    Biblia—Mbalula ya Nsi-Ntoto ya Mpa

    • 9 Mono vandaka ntete kuyindula nde mono fwete sadila banzila yonso sambu na kunwanisa zina ya Yezu, muntu ya Nazareti. 10 Yo yina kibeni mambu yina mono salaka na Yeruzalemi, mpi mono tulaka basantu mingi na boloko,+ sambu mono bakaka kiyeka na bamfumu ya banganga-nzambi;+ mpi ntangu yo lombaka nde bo fwa bo, mono vandaka kundima yo. 11 Mono vandaka kupesa bo ndola mbala mingi na basinagoga yonso, mono mekaka kupusa bo na ngolo na kuyambula lukwikilu na bo; mpi sambu mono wilaka bo makasi mingi, mono kwendaka nkutu kumonisa bo mpasi ata na bambanza ya ntama.

  • 1 Timoteo 1:12, 13
    Biblia—Mbalula ya Nsi-Ntoto ya Mpa

    • 12 Mono ke pesa ntonda na Kristu Yezu Mfumu na beto, yina pesaka mono ngolo, sambu yandi monaka mono ya kwikama na mutindu yandi pesaka mono kisalu,+ 13 ata mono vandaka ntete muntu ya ke vwezaka, ya ke monisaka bantu mpasi mpi ya kukonda luzitu.+ Ata mpidina, yandi wilaka mono mawa sambu mono vandaka kusala mambu kukonda kuzaba mpi kukonda lukwikilu.