25 Konso muntu yina ke salaka nsaka ya kutesana ke kudiyalaka na mambu yonso. Ya kieleka, bo ke salaka yo sambu na kubaka mpu ya kimfumu yina ke fwaka,+ kansi beto ke salaka yo sambu na kubaka mpu ya kimfumu yina ke fwaka ve.+

12 Kiese na muntu yina ke landa kukanga ntima na mumekamu,+ sambu kana Nzambi ndima yandi, yandi ta baka mpu ya kimfumu ya luzingu,+ yina Yehowa* me silaka na bantu yina ke landaka kuzola yandi.+