Bankunga

8 O Yehowa Mfumu na beto, zina na nge kele nene kibeni na ntoto ya mvimba;

Nge me tulaka lukumu na nge na zulu kibeni kuluta zulu!*+

 2 Nge me sala nde ngolo kubasika na munoko ya bana mpi ya bana ya fioti+

Sambu na bambeni na nge,

Sambu na kukumisa mbeni pima ti muntu ya ke vutula mbi.

 3 Kana mono tala zulu na nge, bisalu ya misapi na nge,

Ngonda ti bambwetete yina nge me yidikaka,+

 4 Muntu kele nani sambu nge yindula yandi,

Mpi mwana ya muntu kele nani sambu nge keba yandi?+

 5 Nge kulumusaka yandi mwa fioti na nsi ya bawanzio,*

Mpi nge pesaka yandi nkembo ti lukumu.

 6 Nge pesaka yandi kiyeka na zulu ya bisalu ya maboko na nge;+

Nge me tulaka bima yonso na nsi ya makulu na yandi:

 7 Mameme, bankombo, ti bangombe yonso,

Mpi bambisi ya mfinda,+

 8 Bandeke ya zulu mpi bambisi ya masa ya nzadi-mungwa,

Bima yonso yina ke lutaka na banzadi-mungwa.