Bankunga

Na ntwadisi. Maskile.* Ya Davidi, ntangu Doegi muntu ya Edomi kwisaka kuzabisa Saule nde Davidi kwendaka na nzo ya Ahimeleki.+

52 Nge muntu ya ngolo, sambu na nki nge ke kudikumisa sambu na mambu na nge ya mbi?+

Zola ya kwikama ya Nzambi ke vandaka kilumbu ya mvimba.+

2 Ludimi na nge, yina kele makasi bonso lutebu,+

Ke kana mambu ya mbi mpi ke sala mambu na luvunu.+

3 Nge ke zolaka mambu ya mbi kuluta mambu ya mbote,

Nge ke zolaka kukusa kuluta kutuba mambu ya lunungu. (Sela)

4 Nge ke zolaka konso ngogo ya ke pesa mpasi,

O nge ludimi ya ke kusaka!

5 Yo yina Nzambi ta bwisa nge mbala mosi imene;+

Yandi ta simba nge mpi ta basisa nge na tenta na nge;+

Yandi ta tumuna nge na insi ya bantu ya moyo.+ (Sela)

6 Bantu ya lunungu ta mona yo mpi ta fuluka ti boma,+

Ebuna bo ta seka yandi.+

7 “Tala muntu yina kumisaka ve Nzambi kitininu na yandi,*+

Kansi yandi tulaka ntima na bimvwama na yandi ya mingi+

Mpi tulaka kivuvu* na ba- komplo na yandi ya mbi.”*

8 Kansi mono ta vanda bonso nti ya olive ya kele ti matiti mingi na nzo ya Nzambi;

Mono ke tula ntima na zola ya kwikama ya Nzambi,+ mvula na mvula.

9 Mono ta kumisa nge kima- kulu, sambu na bisalu ya nge me sala;+

Na ntwala ya bantu na nge ya kwikama,

Mono ta tula kivuvu na zina na nge,+ sambu yo kele mbote.