Nkunga

145 Mono ta pesa nge nkembo, O Nzambi na mono Ntotila,+

Mono ta kumisa zina na nge mvula na mvula.+

 2 Mono ta kumisa nge kilumbu ya mvimba;+

Mono ta kumisa zina na nge mvula na mvula.+

 3 Yehowa kele nene mpi yandi me fwana kibeni na kubaka lukumu;+

Bo lenda bakisa ve bunene na yandi.+

 4 Bandonga yonso ya bantu yina ta kwisa ta kumisa bisalu na nge;

Bo ta tubila bisalu na nge ya ngolo.+

 5 Bo ta tubila lukumu ya nkembo ya bunene na nge+

Mpi mono ta yindulula bisalu na nge ya kuyituka.

 6 Bo ta tubila bisalu* na nge ya ke pesa boma;

Mpi mono ta zabisa bunene na nge.

 7 Bangogo na bo ya lukumu ta basika bonso nto ya masa ntangu bo ke yibuka bumbote na nge ya mingi,+

Mpi bo ta tula milolo ya kiese sambu na lunungu na nge.+

 8 Yehowa ke fwilaka bantu nkenda* mpi ke wilaka bo mawa,+

Yandi ke waka makasi nswalu ve mpi kele na zola ya kwikama mingi.+

 9 Yehowa kele mbote sambu na bigangwa yonso,+

Mpi mawa na yandi ke monanaka na bisalu na yandi yonso.

10 Bisalu na nge yonso ta pesa nge nkembo, O Yehowa,+

Mpi bantu na nge ya kwikama ta kumisa nge.+

11 Bo ta zabisa nkembo ya kimfumu na nge+

Mpi bo ta tubila ngolo na nge,+

ל [Lamed]

12 Sambu na kuzabisa bantu bisalu na yandi ya ngolo+

Mpi lukumu ya nkembo ya kimfumu na yandi.+

13 Kimfumu na nge kele kimfu- mu ya kukonda nsuka,

Mpi luyalu na nge ke zingaka na bandonga yonso ya bantu.+

14 Yehowa ke sadisaka bantu yonso yina ke bwa+

Mpi yandi ke tedimisaka bantu yonso yina me fumbama.+

15 Meso yonso ke talaka nge ti kivuvu;

Nge ke pesaka bo madia na nsungi na yo.+

16 Nge ke kangula diboko na nge

Mpi nge ke lungisa nzala ya konso kima ya kele na luzingu.+

17 Yehowa kele ya lunungu na banzila na yandi yonso+

Mpi ya kwikama na mambu yonso ya yandi ke salaka.+

18 Yehowa kele pene-pene ya bantu yonso yina ke bingaka yandi,+

Ya bantu yonso yina ke bingaka yandi na kieleka.*+

19 Yandi ke lungisaka nzala ya bantu yina ke waka yandi boma;+

Yandi ke waka kudila na bo sambu na kulomba lusadisu, mpi yandi ke gulusaka bo.+

20 Yehowa ke taninaka bantu yonso yina ke zolaka yandi,+

Kansi yandi ta fwa bantu yonso ya mbi.+

21 Munoko na mono ta zabisa lukumu ya Yehowa;+

Bika bima yonso yina kele na luzingu* kukumisa zina na yandi ya santu mvula na mvula.+