Bankunga

34 Mono ta kumisa Yehowa ntangu yonso;

Nkunga ya kukumisa yandi ta vandaka na munoko na mono konso ntangu.

 2 Mono* ta kudikumisa na Yehowa;+

Bantu ya kudikulumusa ta wa mpi ta yangalala.

 3 Beno pesa Yehowa nkembo kumosi ti mono;+

Beto kumisa zina na yandi kumosi.

 5 Bantu yina talaka yandi kumaka na kiese;

Baluse na bo lendaka ve kuwa nsoni.

 7 Wanzio ya Yehowa ke vandaka na nziunga ya bantu yina ke waka yandi boma,+

Mpi yandi ke gulusaka bo.+

 8 Beno meka mpi beno mona nde Yehowa kele mbote;+

Kiese na muntu yina ke tinaka na yandi.

 9 Beno wa Yehowa boma, beno basantu na yandi yonso,

Sambu bantu yina ke waka yandi boma ke kondaka kima ve.+

10 Ata bana-bantambu ya ngolo* me kuma na nzala,

Kansi bantu yina ke sosaka Yehowa ta konda ve kima ya mbote.+

11 Bana na mono, beno kwisa, beno wa mono;

Mono ta longa beno boma ya Yehowa.+

12 Nani na kati na beno ke sepelaka na luzingu

Mpi ta zola kumona bilumbu mingi ya mbote?+

13 Kana mpidina, tanina ludimi na nge na mambu ya mbi,+

Mpi tanina bikobo na nge sambu yo tuba ve mambu ya luvunu.+

14 Bika mambu ya mbi mpi sala mambu ya mbote;+

Sosa ngemba mpi landa yo.+

15 Meso ya Yehowa ke talaka bantu ya lunungu,+

Mpi makutu na yandi ke waka kudila na bo sambu na kulomba lusadisu.+

16 Kansi Yehowa ke buyaka bantu yina ke salaka mambu ya mbi,

Sambu na kuvwansa zina na bo na ntoto.+

17 Bo bokaka, mpi Yehowa waka;+

Yandi gulusaka bo na bampasi na bo yonso.+

18 Yehowa kele pene-pene ya bantu yina kele na mawa;+

Yandi ke gulusaka bantu yina ke niokwama na mabanza.*+

19 Muntu ya lunungu ke kutanaka ti bampasi mingi,+

Kansi Yehowa ke gulusaka yandi na bampasi yina yonso.+

20 Yandi ke tanina mikwa na yandi yonso;

Bo me buka ve ata mukwa na yandi mosi.+

21 Mpasi ta fwa muntu ya mbi;

Bo ta bedisa bantu yina ke mengaka muntu ya lunungu.

22 Yehowa ke sumbaka diaka luzingu* ya bansadi na yandi;

Bo ta bedisa ve ata muntu mosi yina ke tinaka na yandi.+