1 Bansangu

7 Kansi bana ya Isakare bo yai: Tola, Pua, Yashubi, mpi Shimroni,+ iya. 2 Bana ya Tola bo yai: Uzi, Refaya, Yeriele, Yamai, Yibsami, mpi Shemuele, bamfumu ya banzo ya batata na bo. Bana ya Tola vandaka basoda ya ngolo, mpi na bilumbu ya Davidi ntalu na bo vandaka 22 600. 3 Bana ya Uzi bo yai: Yizraya mpi bana ya Yizraya bo yai: Mikaele, Obadia, Yoele, mpi Yishia, bo yonso tanu vandaka bamfumu.* 4 Kumosi ti bo, na kulanda bana na bo, na kutadila banzo ya batata na bo, kuvandaka ti basoda 36 000 na makesa na bo yina vandaka ya kuyilama sambu na bitumba sambu bo vandaka na bankento mingi mpi bana mingi. 5 Bampangi na bo ya mabuta yonso ya Isakare vandaka basoda ya ngolo, 87 000 mutindu bo sonikaka bazina na bo na kulanda bandonga ya ba-nkaka na bo.+

6 Bana ya Benyamini+ bo yai: Bela,+ Bekere,+ mpi Yediayele,+ tatu. 7 Bana ya Bela bo yai: Esboni, Uzi, Uziele, Yerimoti, mpi Iri, tanu, bamfumu ya banzo ya batata na bo, basoda ya ngolo, mpi bantu na bo yina bo sonikaka bazina na kulanda bandonga ya ba-nkaka na bo vandaka 22 034.+ 8 Bana ya Bekere bo yai: Zemira, Yoashi, Eliezere, Elioenai, Omri, Yeremoti, Abiya, Anatoti, mpi Alemeti, bantu yai yonso vandaka bana ya Bekere. 9 Bantu na bo ya bo sonikaka bazina na kulanda bandonga ya ba-nkaka na bo, na kutadila bantekolo na bo na yina me tala bamfumu ya banzo ya batata na bo, vandaka basoda ya ngolo 20 200. 10 Bana ya Yediayele+ bo yai: Bilani mpi bana ya Bilani bo yai: Yeushi, Benyamini, Ehudi, Kenaana, Zetani, Tarsisi, mpi Ahishahare. 11 Bantu yai yonso vandaka bana ya Yediayele, na kulanda bamfumu ya banzo ya batata na bo, basoda ya ngolo 17 200 yina vandaka ya kuyilama sambu na bitumba.

12 Shupimi ti Upimi vandaka bana ya Ire;+ Ushime vandaka mwana ya Ahere.

13 Bana ya Naftali+ bo yai: Yasiele, Guni, Yesere, mpi Shalumi—bana ya Bila.+

14 Bana ya Manase+ bo yai: Asriele, yina makangu na yandi ya insi ya Siria butaka. (Nkento yina butaka Makire+ tata ya Gileadi. 15 Makire bakilaka Upimi mpi Shupimi nkento, mpi zina ya mpangi na yandi ya nkento vandaka Maaka.) Zina ya mwana ya zole vandaka Selofehadi,+ kansi Selofehadi vandaka ti bana-bankento.+ 16 Maaka, nkento ya Makire, butaka mwana mosi ya bakala mpi pesaka yandi zina Pereshi; mpi zina ya mpangi na yandi Shereshi; mpi bana na yandi bo yai: Ulami ti Rekemi. 17 Mpi mwana* ya Ulami yandi yai: Bedani. Bantu yai vandaka bana ya Gileadi mwana ya Makire mwana ya Manase. 18 Mpangi na yandi ya nkento yandi yai: Amoleketi. Yandi butaka Ishihodi, Abi-ezere, mpi Mala. 19 Mpi bana ya Shemida bo yai: Ahiani, Shekemi, Liki, mpi Aniami.

20 Bana ya Efrayimi+ bo yai: Shutela,+ Beredi mwana na yandi, Tahati mwana na yandi, Eleada mwana na yandi, Tahati mwana na yandi, 21 Zabadi mwana na yandi, Shutela mwana na yandi, Ezere, mpi Eleadi. Bantu ya Gati+ yina butukaka na insi yina fwaka bo sambu bo kulumukaka sambu na kubaka bitwisi na bo. 22 Tata na bo Efrayimi dilaka bilumbu mingi, mpi bampangi na yandi vandaka kaka kukwisa sambu na kulembika yandi. 23 Na nima yandi vukisaka nitu ti nkento na yandi, ebuna yandi bakaka divumu mpi butaka mwana ya bakala. Kansi yandi pesaka yandi zina Beria* sambu yandi butaka na ntangu yina mpasi kotaka na nzo na yandi. 24 Mwana na yandi ya nkento vandaka Sheera, yina tungaka Bete-oroni ya Nsi+ mpi ya Zulu+ mpi Uzeni-sheera. 25 Kuvandaka ti Refa mwana na yandi, Reshefi, Tela mwana na yandi, mpi Tahani mwana na yandi, 26 Ladani mwana na yandi, Amihudi mwana na yandi, Elishama mwana na yandi, 27 Nuni mwana na yandi, Yozue*+ mwana na yandi.

28 Ntoto na bo mpi bisika na bo ya kuzinga vandaka Betele+ mpi babwala yina kele na nziunga na yo, na esti Naarani, na westi Gezere mpi babwala yina kele na nziunga na yo, mpi Shekemi ti babwala yina kele na nziunga na yo, tii na Aya* mpi babwala yina kele na nziunga na yo; 29 mpi na lweka ya bana ya Manase: Bete-sheani+ mpi babwala yina kele na nziunga na yo, Tanaki+ mpi babwala yina kele na nziunga na yo, Megido+ mpi babwala yina kele na nziunga na yo, mpi Dore+ mpi babwala yina kele na nziunga na yo. Bana ya Yozefi mwana ya Izraele vandaka kuzinga na babwala yai.

30 Bana ya Asere bo yai: Yimna, Yishva, Yishvi, ti Beria,+ mpi mpangi na bo ya nkento vandaka Sera.+ 31 Bana ya Beria bo yai: Hebere mpi Malkiele, yina vandaka tata ya Birzayiti. 32 Hebere butaka Yafleti, Shomere, mpi Otami, ti Shua mpangi na bo ya nkento. 33 Bana ya Yafleti bo yai: Pasaki, Bimale, mpi Ashvati. Bantu yai vandaka bana ya Yafleti. 34 Bana ya Shemere* bo yai: Ahi, Roga, Yehuba, mpi Arami. 35 Bana ya Elemi* mpangi na yandi bo yai: Sofa, Yimna, Sheleshi, mpi Amale. 36 Bana ya Sofa bo yai: Sua, Arnefere, Shuale, Beri, Yimra, 37 Besere, Odi, Shama, Shilsha, Yitrani, mpi Beera. 38 Bana ya Yetere bo yai: Yefune, Pispa, mpi Ara. 39 Bana ya Ula bo yai: Arah, Aniele, mpi Risia. 40 Bantu yai yonso vandaka bana ya Asere, bamfumu ya banzo ya batata na bo, bantu yina bo solaka, basoda ya ngolo, bamfumu ya bamfumu; mpi ntalu ya bantu na bo yina bo sonikaka bazina+ na kulanda bandonga ya ba-nkaka na bo vandaka bantu 26 000 na makesa+ yina vandaka ya kuyilama sambu na bitumba.