1 Bansangu

14 Hirami+ ntotila ya Tire tindilaka Davidi binati-nsangu, yandi tindaka mpi banti ya sedre, bantu ya ke salaka kisalu ya matadi,* mpi bantu ya ke salaka kisalu ya mabaya sambu na kutungila yandi nzo.*+ 2 Ebuna Davidi zabaka nde Yehowa tulaka yandi kibeni ntotila na Izraele,+ sambu kimfumu na yandi vandaka ya kunanguka mingi kibeni sambu na mambote ya bantu na yandi Izraele.+

3 Davidi kwelaka bankento mingi+ na Yeruzalemi, mpi yandi butaka diaka bana mingi ya babakala ti ya bankento.+ 4 Yai bazina ya bana yina yandi butaka na Yeruzalemi:+ Shamua, Shobabi, Natani,+ Salomo,+ 5 Yibare, Elishua, Elpeleti, 6 Noga, Nefegi, Yafia, 7 Elishama, Beeliada, mpi Elifeleti.

8 Ntangu bantu ya Filistia waka nde bo me tula Davidi mafuta sambu yandi vanda ntotila ya Izraele ya mvimba,+ bantu yonso ya Filistia tombukaka sambu na kusosa Davidi.+ Ntangu Davidi waka yo, yandi basikaka sambu na kunwanisa bo. 9 Ebuna bantu ya Filistia kwisaka mpi bo yantikaka kunwanisa bantu na Muwanda* ya Refayimi.+ 10 Davidi yulaka Nzambi nde: “Keti mono fwete tombuka sambu na kunwanisa bantu ya Filistia? Keti nge ta pesa bo na maboko na mono?” Ebuna Yehowa tubilaka yandi nde: “Tombuka, mpi mono ta pesa bo kibeni na maboko na nge.”+ 11 Yo yina Davidi tombukaka na Baale-perazimi+ mpi yandi fwaka bo kuna. Ebuna Davidi tubaka nde: “Nzambi ya kieleka me sadila maboko na mono sambu na kupasula nzila na kati ya bambeni na mono, bonso nzila yina masa me pasula.” Yo yina bo pesaka kisika yina zina Baale-perazimi.* 12 Bantu ya Filistia yambulaka banzambi na bo kuna, ebuna Davidi songaka bantu na kuyoka yo na tiya.+

13 Na nima bantu ya Filistia kotaka diaka sambu na kunwanisa bantu na muwanda yina.*+ 14 Davidi yulaka diaka Nzambi, kansi Nzambi ya kieleka tubilaka yandi nde: “Kutombuka ve mbala mosi na nima na bo. Kansi, baluka na nima na bo, mpi kwisa kunwanisa bo na ntwala ya banti ya baka.+ 15 Ntangu nge ta wa makelele ya makulu ya bantu ke tambula na bansongi ya banti ya baka, yantika kunwanisa bo, sambu Nzambi ya kieleka ta kwenda na ntwala na nge sambu na kufwa basoda ya Filistia.”+ 16 Yo yina Davidi salaka kaka mutindu Nzambi ya kieleka songaka yandi,+ mpi bo fwaka basoda ya Filistia katuka na Gibeoni tii na Gezere.+ 17 Ebuna lukumu ya Davidi panzanaka na bansi yonso, mpi Yehowa salaka nde makanda yonso kuwa yandi boma.+