Inki kele nsangu ya Biblia?

“Mono ta tula kimbeni na kati na nge ti nkento mpi na kati ya mwana na nge ti mwana na yandi. Yandi ta niata ntu na nge mpi nge ta tatika yandi na dikulu.”

Kuyantika 3:15

“Na nzila ya mwana na nge makanda yonso ya ntoto ta kudibakila lusakumunu sambu nge me wa ndinga na mono.”

Kuyantika 22:18

“Kimfumu na nge kukwisa. Luzolo na nge kusalama na ntoto, bonso na zulu.”

Matayo 6:10

“Ntama mingi ve, Nzambi yina ke pesaka ngemba ta niata Satana na nsi ya makulu na beno.”

Baroma 16:20

“Ntangu Nzambi ta tula bima yonso na nsi na yandi, Mwana yandi mosi mpi ta kuditula na nsi ya Muntu yina tulaka bima yonso na nsi na yandi, sambu Nzambi kuvanda bima yonso sambu na bantu yonso.”

1 Bakorinto 15:28

“ Bo pesaka balusilu na Abrahami mpi na mwana na yandi . . . , Kristu. Diaka, kana beno kele bantu ya Kristu, beno kele kibeni bana ya Abrahami.”

Bagalatia 3:16, 29

“Kimfumu ya nsi-ntoto me kuma Kimfumu ya Mfumu na beto mpi ya Kristu na yandi, mpi yandi ta yala bonso Ntotila mvula na mvula.”

Kusonga 11:15

“Ebuna, bo losaka dragoni ya nene na nsi, nioka ya ntama, yina bo ke bingaka Diabulu mpi Satana, yina ke kusaka ntoto ya mvimba; bo losaka yandi na ntoto, mpi bo losaka yandi na nsi ti bawanzio na yandi.”

Kusonga 12:9

“Yandi simbaka dragoni, nioka ya ntama, yina kele Diabulu mpi Satana, mpi yandi kangaka yandi bamvula 1 000.”

Kusonga 20:2