Mukanda ya Bankunga ya Irina Kezolaka Mingi

NTAMA mingi ve, Irina, mwana-nkento mosi ya bamvula uvwa na Sofia, Bulgarie, kubotamaka bonso Mbangi ya Yehowa. Yandi kezolaka kuyimba mpi kesepelaka mingimingi ti bankunga ya kele na mukanda Louons Jéhovah par nos chants. Yau yina, Irina kubakaka lukanu ya kulonguka na ntu ndambu ya bankunga konso ngonda.

Dilongi mosi ya Irina kelutaka kuzola na nzo-nkanda kele miziki. Ebuna, longi na yandi ya miziki kumonaka kima ya kutuba ve ntangu Irina kubuyaka dibaku ya bau pesaka yandi sambu na kuyimba na korale ya nzo-nkanda. Sambu na inki Irina kubuyaka? Yandi kubakisaka nde mingi na kati ya miziki ya vandaka kulombama nde yandi kuyimba vandaka kukumisa bantu ya ngolo ya insi mpi bankinsi ya mimpani. Bankunga ya nkaka nkutu vandaka kusyamisa lutelaminu ti kingolongolo sambu na kukumisa bangindu ya insi. Longi lendaka ve kubakisa pozisio ya Irina na dyambu yai. Irina kusosaka ngemba na kusonikilaka longi na yandi mukanda yina vandaka kumonisa balukwikilu ya lusambu na yandi​—⁠kansi na mpamba.

Tata ya Irina kubakaka ngindu mosi. Yandi kupesaka longi nsononono mosi ya mukanda Louons Jéhovah par nos chants, yina kuvandaka ti bankunga ya Irina kezolaka kuyimba. Bilumbu fyoti na nima, longi kubingaka Irina na nzo ya miziki. Yandi songaka Irina na kuyimba nkunga ya yandi kezolaka mingi na mukanda​—⁠na meso ya bana ya nzo-nkanda na bau​—⁠ntangu longi vandaka kubudila yandi piano. Bau kuyimbaka yau kuluta kiteso ya ntangu mosi! Longi kundimaka nde mukanda ya bankunga ya Irina kezolaka mingi kuvandaka ti mwa bankunga ya kitoko.

[Lupangu ya kele na lutiti 32]

Keti Nge Tazola Mvutukilu Mosi?

Ata na kati ya inza yai ya mavwanga, nge lenda kubaka kyese na nsadisa ya nzayilu ya kyeleka ya Biblia kepesa na yina ketala Nzambi, Kimfumu na yandi mpi lukanu ya kitoko ya yandi kusalaka sambu na bantu. Kana nge tazola kuzaba mambu ya nkaka to nge tazola nde muntu mosi kwisa kulonguka ti nge Biblia ya ofele na inzo, beto kelomba nge na kusonika na Association “Les Témoins de Jéhovah,” B.P.634 Limete, Kinshasa, Zaïre, to na mosi na adresi mebonga na nge yina kele na lutiti 2.