Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka Biblia ti Muntu na Sabala ya Ntete ya Ngonda ya Aprili

“Bakristu mingi kebakaka mbotika. Keti nge keyindula nde mbotika kele mfunu? [Bika muntu yango kupesa mvutu.] Disolo yai ketubila mwa mambu ya mfunu.” Pesa muwi Nzozulu ya Nkengi ya Aprili 1, mpi beno tadila mambu yina kele na kantu-dyambu ya ntete na lutiti 16; beno tadila mpi ata verse mosi. Pesa yandi zulunalu mpi beno wakana sambu na kuvutukila yandi mpi kutadila ngyufula yina kelanda.

Nzozulu ya Nkengi Aprili 1

“Bantu kevandaka ti bangindu mingi na yina metala Yezu. Bantu yankaka keyindulaka nde yandi vandaka Mesia ya lusilu. Bankaka kemonaka nde yandi vandaka kaka muntu mosi ya mbote. Mpi bankaka kekwikilaka nde yandi kele ve muntu ya kyeleka. Inki kele dibanza na nge? [Bika muntu yango kupesa mvutu.] Biblia kemonisa nde yo kele mfunu na kuzaba kyeleka na yina metala yandi. [Tanga Yoane 17:3.] Zulunalu yai kemonisa bamvutu ya Biblia na bangyufula yina bantu mingi keyulaka sambu na Yezu.”

Reveillez-vous ! Aprili

“Beto kesolula ti bantu na yina metala mabuta. Keti nge kendima mpi nde mabuta kekutana ti bampasi ya mutindu na mutindu bubu yai? [Bika muntu yango kupesa mvutu.] Tala kisika mabuta mingi mebakaka bandongisila ya mefwana. [Tanga Nkunga 119:105.] Zulunalu yai ketubila mutindu mabuta yina mesalama ti bankwelani ya kele ti bana yina konso nkwelani butaka ti muntu yankaka (les familles recomposées) mesadilaka minsiku ya Biblia sambu na kununga bampasi yina bo kekutanaka ti yo.”