Beto Yedisa Mayele na Beto na Kisalu ya Kusamuna—Ta Kimbangi na Muntu ya Ke Tubaka Ndinga ya Nkaka

Mfunu na Yo: Yehowa ke tulaka dikebi na mambu ya kimpeve ya bantu ya “konso dikanda.” (Bis. 10:34, 35) Yo yina, Yezu monisaka nde bo fwete longa nsangu ya mbote na “ntoto ya mvimba” mpi na “makanda yonso.” (Mat. 24:14) Zekaria tubaka na ntwala nde bantu ya “bandinga yonso ya nsi-ntoto” ta ndima nsangu ya mbote. (Zek. 8:23) Mbona-meso ya Yoane ke monisa nde bantu yina ta guluka na mpasi ya nene ta vanda bantu ya “makanda yonso ti ya bandinga yonso ti ya bansi yonso.” (Kus. 7:9, 13, 14) Na kutadila mambu ya beto me tubila, kana beto me kutana ti muntu ya ke tubaka ndinga ya nkaka na teritware na beto, beto fwete meka na kulonga yandi nsangu ya mbote.