4, 5. Inki mutindu bingana yankaka ya Biblia ketendulaka kiyeka ya bangogo?

⁴ Kuzaba nde bangogo kevandaka ti kiyeka kele kikuma ya ntete ya kepusaka beto na kuyala kutuba na beto. Bingana 15:4 ketuba nde: “Mambu ya mbote ya bantu ke tubaka yo kele bonso nti ya moyo, kansi mambu ya mbi ke katulaka muntu kikesa.” Kaka mutindu masa kevutulaka luzingu na nti yina meyuma, mambu ya mbote ya bo metuba na ndinga mosi ya pima lenda pesa kikesa na bantu yina kewa yo. Kansi, bangogo ya nyoka-nyoka ya ludimi ya luvunu lenda lembisa mpenza bankaka. Ya kyeleka, bangogo ya beto ketubaka kevandaka ti kiyeka ya kulwadisa to ya kubelula.—Bingana 18:21.