“Beno Landa Kukengila”

25:1-12

Ata Yezu monisaka nde kingana ya bamwense kumi ke tadila balongoki na yandi yina bo me tulaka mafuta, malongi na yo ya mfunu ke tadila Bakristu yonso. (w15 3/15 12-16) “Yo yina, beno landa na kukengila sambu beno me zaba ve kilumbu mpi ngunga.” (Mat 25:13) Keti nge lenda tendula kingana ya Yezu?

• Bakala yina ke kwela (verse 1)—Yezu

• Bamwense ya mayele yina yilamaka mbote (verse 2)—Bakristu yina bo me tulaka mafuta bayina ke kudibongisa sambu na kulungisa mukumba na bo na kwikama yonso mpi ke pela bonso minda tii na nsuka (Fil 2:15)

• Ndinga ya ngolo: “Bakala yina ke kwela yandi yai!” (verse 6)—Banzikisa ya ke monisa kukwisa ya Yezu

• Bamwense ya bazoba (verse 8)—Bakristu yina bo me tulaka mafuta yina ke basika sambu na kukutana ti bakala yina ke kwela, kansi bo landaka ve na kukengila mpi bo bikalaka ve ya kwikama

• Bamwense ya mayele buyaka kukaba mafuta na bo (verse 9)—Ntangu bo ta tula Bakristu ya kwikama kidimbu ya nsuka, yo ta vanda nsukinina sambu bo sadisa Bakristu yina bikalaka ve ya kwikama

• “Bakala yina ke kwela kwisaka” (verse 10)—Yezu ta kwisa kusambisa pene-pene ya nsuka ya mpasi ya nene

• Bamwense ya mayele kotaka na feti ya makwela ti bakala yina ke kwela mpi bo kangaka kielo (verse 10)—Yezu ta vukisa Bakristu ya kwikama yina bo me tulaka mafuta na zulu, kansi Bakristu ya kukonda kwikama ta vidisa dibaku na bo ya kuzinga na zulu