ZINGA MUTINDU BAKRISTU FWETE ZINGA

APRILI 9-15 Kusamuna mpi Kulonga Kele Mfunu Sambu na Kukumisa Bantu Balongoki

Yezu pesaka balongoki na yandi nsiku ya kukwenda mpi kukumisa bantu balongoki. (Mat 28:19) Sambu na kusala yo, beto fwete samuna mpi kulonga. Ntangu yonso, beto fwete kudiyula nde, ‘Inki mutindu mono lenda tomisa bametode yai sambu na kukumisa bantu balongoki?’

SAMUNA

Na kisika ya kuvingila nde bantu kukwisa na beto, na kikesa yonso beto fwete sosa bantu ya “me fwana.” (Mat 10:11) Kana beto ke samuna, keti beto ke sadilaka mabaku yonso sambu na kusolula ti bantu yina beto ke kutana ti bo? (Bis 17:17) Lidia kumaka longoki sambu ntumwa Polo vandaka kikesa na kisalu ya kusamuna.—Bis 16:13-15.

Samuel ke pesa zulunalu na Ezekiel; Solomon ti Marie ke longa Ezekiel mpi Abigail — “Kuna nkeni na nge na suka mpi kubika ve nde diboko na nge kupema tii na nkokila” (Lon 11:6)

BENO TALA NTETE VIDEO LANDA KUSAMUNA “KUKONDA KULEMBA”—NA DIBAKU YA MBOTE, NZO NA NZO, MPI NA NIMA BENO PESA BAMVUTU NA BANGIUFULA YAI:

Na luzingu na yandi ya konso kilumbu, inki mutindu Samuele monisaka nde yandi vandaka kusosa na kikesa yonso kukuna bankeni ya kieleka?
Sambu na nki beto fwete landa kusadila bametode yonso ya kisalu ya kusamuna?
Na bisalu na nge ya konso kilumbu, nge lenda longa nsangu ya Kimfumu na banani?

LONGA

Sambu na kukumisa bantu balongoki, beto fwete suka ve kaka na kupesa bo mikanda. Sambu na kusadisa bo na kuyela na kimpeve, beto fwete sala bamvutukilu ya mpa mpi kulonguka Biblia ti bo. (1Bk 3:6-9) Kansi, inki beto ta sala kana bikesa ya beto ke sala sambu na kulonga muntu nsangu ya Kimfumu ke buta kibeni ve mbuma? (Mat 13:19-22) Beto fwete landa kusosa bantu yina ntima na bo kele bonso “ntoto ya mbote.”—Mat 13:23; Bis 13:48.

Solomon ti Marie ke longuka Biblia ti Ezekiel mpi Abigail; Ezekiel ti Abigail ke ta kimbangi na kisika ya bantu mingi — “Mono kunaka, Apolo losaka masa, kansi Nzambi muntu vandaka kuyedisa yo” (1Bk 3:6)

BENO TALA NTETE VIDEO LANDA KUSAMUNA “KUKONDA KULEMBA”—NA BISIKA YA BANTU MINGI MPI KUKUMISA BANTU BALONGOKI, MPI NA NIMA BENO PESA BAMVUTU NA BANGIUFULA YAI:

Inki mutindu Solomo ti Marie losaka masa na bankeni ya kieleka yina bo kunaka na ntima ya Ezekiele ti Abigaile?
Inki fwete vanda lukanu na beto sambu na bametode yonso ya kisalu ya kusamuna, yika mpi kuta kimbangi na bisika ya bantu mingi?
Inki mutindu beto lenda tula dikebi ya mingi na kulonga bantu ya nkaka kieleka?