Watchtower MIKANDA YA KE NA INTERNET
Watchtower
MIKANDA YA KE NA INTERNET
Kikongo (Rép. dém. du congo)
  • BIBLIA
  • MIKANDA
  • BALUKUTAKANU
  • lff dilongi 58
  • Landa Kukangama na Yehowa

Kele ve ti video sambu na mambu ya nge ke sosa.

Kifu me salama na ntangu ya kubaka video.

  • Landa Kukangama na Yehowa
  • Zinga Mvula na Mvula!—Kulonguka ya Biblia Yina Ta Natila Nge Mambote
  • Tubantu-diambu
  • Mambu ya Mutindu Mosi
  • LONGUKA MAMBU MINGI
  • NA BUNKUFI
  • TALA MPI
  • Nunga Kumekama Ya Kwikama
    Nzozulu ya Nkengi Kesamunaka Kimfumu ya Yehowa—1996
  • Mutindu Mabundu ya Luvunu Ke Fingisaka Zina ya Nzambi
    Zinga Mvula na Mvula!—Kulonguka ya Biblia Yina Ta Natila Nge Mambote
  • “Nge Mpamba Kele ya Kwikama”
    Kwenda Pene-Pene na Yehowa
  • Beno Tina Lusambu ya Luvunu!
    Nzozulu ya Nkengi Kesamunaka Kimfumu ya Yehowa—2006
Tala Mambu Mingi
Zinga Mvula na Mvula!—Kulonguka ya Biblia Yina Ta Natila Nge Mambote
lff dilongi 58
Dilongi 58. Kimvuka mosi ya baaposta ke tuba mambu ya mbi sambu na bantu yina ke kwenda na lukutakanu ya distrike ya Bambangi ya Yehowa mpi dibuta mosi ke luta pima na kisika yango.

DILONGI 58

Landa Kukangama na Yehowa

Ya Bo Me Niema na Papie
Ya Bo Me Niema na Papie
Ya Bo Me Niema na Papie

Bakristu ya Kieleka ke bikaka ve nde ata muntu mosi to kima mosi kubebisa kinduku na bo ti Yehowa. Beto ke ndima nde nge mpi me bakaka lukanu yai. Yehowa ke sepelaka mingi mutindu nge ke kangamaka kaka na yandi. (Tanga 1 Bansangu 28:9.) Inki mambu lenda sosa kubebisa kinduku na nge ti Yehowa mpi nki nge lenda sala sambu na kulanda kukangama kaka na yandi?

1. Inki bantu ya nkaka ke salaka sambu na kubebisa kinduku na beto ti Yehowa?

Bantu ya nkaka ta sosa kukanga nge nzila ya kusadila Yehowa. Banani lenda pusa nge na kuyambula Yehowa? Bantu ya nkaka ya me yambulaka kusambila Yehowa ke tubaka mambu ya luvunu sambu na organizasio na yandi kaka sambu na kulembisa lukwikilu na beto. Bantu yango kele baaposta. Diaka, bamfumu ya nkaka ya mabundu ke panzaka bansangu ya luvunu sambu na beto. Bo ke zolaka kupusa bantu ya ke mona ve kigonsa na kuyambula Yehowa. Kusolula ti bambeni yonso ya Nzambi, kutanga mikanda na bo mpi mambu ya bo ke sonikaka na Internet to kutala bavideo na bo, kele kibeni kigonsa ya nene. Yezu tubaka mambu yai sambu na bantu yina ke sosaka kulembisa bantu ya nkaka yina ke sadilaka Yehowa na masonga yonso: “Beno bika bo. Bo kele bantwadisi yina kele meso ya kufwa. Ebuna kana kifwa-meso ke twadisa kifwa-meso, bo zole ta bwa na dibulu.”​—Matayo 15:14.

2. Inki mambu lenda bebisa kinduku na beto ti Yehowa?

Sambu beto ke zolaka Yehowa, beto fwete buya mambu yonso yina kele na kuwakana ti mabundu ya luvunu. Yo yina kisalu ya beto ke sala, kimvuka yina beto kele to konso mambu yina beto ke zola kusala fwete vanda ve ata fioti na kuwakana ti mabundu ya luvunu. Yehowa ke songa beto nde: “Bantu na mono, beno basika na kati [ya Babilone ya Nene].”​—Kusonga 18:2, 4.

LONGUKA MAMBU MINGI

Beto tala mambu ya nge fwete sala sambu ata muntu mosi ve kubebisa kinduku na nge ti Yehowa mpi mambu ya nge fwete sala sambu na kubasika na Babilone ya Nene mpi kulanda kukangama na Yehowa.

3. Keba na balongi ya luvunu

Inki beto fwete sala kana beto me wa bantu ke tuba mambu ya mbi sambu na organizasio ya Yehowa? Beno tanga Bingana 14:15 mpi na nima beno pesa mvutu na ngiufula yai:

  • Sambu na nki beto fwete ndima ve mambu yonso ya beto ke wa?

Beno tanga 2 Yoane 9-11 mpi na nima beno pesa mvutu na bangiufula yai:

  • Inki mutindu beto fwete sadila baaposta mambu?

  • Ata beto ke solulaka ve kimuntu-kimuntu ti baaposta, nki mutindu beto lenda kuma kulanda malongi na bo?

  • Nge ke yindula nde Yehowa ta wa nki mutindu kana beto ke landa mambu ya mbi yina bantu ke tubaka sambu na yandi to sambu na organizasio na yandi?

4. Landa kukangama na Nzambi kana mpangi mosi me sala disumu

Kana beto me zaba nde mpangi mosi na dibundu me sala disumu ya nene, nki beto fwete sala? Beto tala munsiku mosi ya kele na Nsiku yina Nzambi pesaka bantu ya Izraele ya ntama. Beno tanga Levi 5:1.

Mutindu verse yai ke monisa yo, kana beto me zaba nde mpangi mosi me sala disumu ya nene beto fwete songa bankuluntu mambu yina beto me zaba. Kansi na ntwala ya kusonga bo, yo ta vanda mbote nde beto lomba mpangi yina me sala disumu na kukwenda yandi mosi kufunguna disumu na yandi na bankuluntu. Kana yandi me sala yo ve, zola na beto sambu na Yehowa ta pusa beto na kusonga bankuluntu mambu ya beto me zaba. Sambu na nki kusala mutindu yai ke monisaka nde beto ke zolaka mpenza . . .

  • Yehowa Nzambi?

  • muntu yina me sala disumu?

  • bampangi ya nkaka na dibundu?

Bifwanisu: Mpangi mosi ke sadisa mpangi ya nkaka yina me sala kima mosi ya mbi. 1. Mpangi yango ke yituka sambu na bima ya mbi yina yandi me mona na telefone ya mpangi yina ya nkaka. 2. Mpangi yango ke songa telefone yina na munkwa na yo yina salaka mbi, kansi mpangi yango ke wangana. 3. Mpangi yina monaka bima ya mbi na telefone ya mpangi yina ke songa bankuluntu telefone ya mpangi yango mpi ke solula ti bo.

Kana mpangi na beto Mukristu me sala disumu ya nene, sadisa yandi!

5. Kuvukana diaka ve ti Babilone ya Nene

Beno tala VIDEO.

VIDEO: Basika na Babilone ya Nene! (5:06)

Mambu ya kele na video ‘Basika na Babilone ya Nene!’ Longoki mosi ya Biblia me yambula kisalu yina yandi vandaka kusala na dibundu ya luvunu mpi yandi ke katuka na ntwala ya mumpe mpi ke kwenda.

Beno tanga Luka 4:8 mpi Kusonga 18:4, 5. Na nima beno pesa mvutu na bangiufula yai:

  • Keti mono ke salaka tii bubu yai mambu ya kele na kuwakana ti mabundu ya luvunu?

  • Kimvuka yina mono kele, keti yo kele ti kuwakana ti dibundu mosi ya luvunu?

  • Keti kisalu ya mono ke salaka ke pesaka maboko na mabundu ya luvunu na mutindu mosi buna?

  • Keti kele ti mambu ya nkaka na luzingu na mono ya mono fwete yambula sambu na kubasika na mabundu ya luvunu?

  • Kana mono me tuba nde ee ata na ngiufula mosi na kati ya bangiufula yai, nki mono fwete sala sambu na kubasika na Babilone ya Nene?

Na mambu yonso ya nge ke sala, baka lukanu yina ta sadisa nge na kulanda kuvanda ti kansansa ya mbote mpi na kulanda kukangama kaka na Yehowa.

Mpangi-nkento mosi ti mwana na yandi me katuka kusumba bima na butiki mosi (supermarché). Bo ke luta na ntwala ya nkento mosi yina ke lomba makabu sambu na kimvuka mosi ya dibundu ya luvunu ya ke sadisaka bansukami, bantu ya kele ti bifu na nitu mpi bantu ya me bwila mpasi.

Inki nge ta sala kana kimvuka mosi ya dibundu ya luvunu me lomba nge na kupesa makabu sambu na kusadisa bansukami, bantu ya kele ti bifu na nitu mpi bantu ya me bwila mpasi?

BANTU YA NKAKA KE TUBAKA NDE: “Mono fwete zaba mambu yina baaposta ke tubaka sambu na Bambangi ya Yehowa, mpidina mono ta songa bo malongi ya kieleka ya Biblia.”

  • Keti yo kele mayele kusala mambu mutindu yai? Kana mpidina to ve, sambu na nki?

NA BUNKUFI

Sambu beto landa kukangama kaka na Yehowa, beto fwete buya kuvukana ti bantu yina ke sosaka kukusa beto.

Inki Nge Me Simba?

  • Sambu na nki beto fwete widikila ve mambu ya baaposta?

  • Kana beto me zaba nde mpangi mosi me sala disumu ya nene, nki beto fwete sala?

  • Yehowa ke songaka beto na kuvukana diaka ve ti mabundu ya luvunu. Inki mutindu beto lenda monisa nde beto ke lemfukilaka yandi?

Mambu ya Kusala

TALA MPI

Tala mambu ya nge fwete sala kana nge ke wa bantu ke tuba mambu ya luvunu sambu na Bambangi ya Yehowa.

“Keti Nge Kele ti Banzikisa?” (Nzozulu ya Nkengi, Augusti 2018)

Inki beto fwete sala kana beto me zaba nde kimvuka to kisalu mosi kele ti kuwakana ti Babilone ya Nene?

“Kudipesa Mingi na Kisalu ya Nzambi na Kitini Yai ya Nsuka ya ‘Bilumbu ya Nsuka’” (Nzozulu ya Nkengi, Oktobri 2019, paragrafe 16-18)

Inki mambu baaposta ya nkaka ke salaka sambu na kulembisa lukwikilu na beto?

Beto Keba na Mambu ya Luvunu (9:32)

Na disolo “Mono Vandaka Kusosa Nzambi Banda Kileki,” tala mambu ya pusaka nganga-nzambi mosi ya dibundu ya Shinto na kukatuka na dibundu ya luvunu.

“Biblia Ke Sobaka Luzingu ya Bantu” (Disolo ya kele na Nzozulu ya Nkengi)

    Mikanda ya Kikongo (1982-2025)
    Basika
    Kota
    • Kikongo (Rép. dém. du congo)
    • Kabula
    • Mambu ya Nge Me Zola
    • Copyright © 2024 Watch Tower Bible and Tract Society of Pennsylvania
    • Bantuma ya Kulanda na Ntwala ya Kusadila
    • Bansiku ya Ke Tadila Kinsweki
    • Paramètres de confidentialité
    • JW.ORG
    • Kota
    Kabula