2. Inki beto fwete sala sambu na kuvanda masonga konso kilumbu?

Yehowa ke zolaka nde “konso muntu kutubila mpangi na yandi kieleka.” (Zekaria 8:16, 17) Yo ke tendula nki? Yo ke tendula nde beto fwete tuba ve luvunu to kukusa ntangu beto ke solula ti bampangi na beto ya dibuta, banduku ya kisalu, bampangi na beto Bakristu to bamfumu ya Leta. Bantu ya masonga ke yibaka ve bantu ya nkaka mpi bo ke kusaka ve sambu na kuyiba bo. (Tanga Bingana 24:28 mpi Baefezo 4:28.) Bo ke futaka mpaku yina bo ke lombaka bo. (Baroma 13:5-7) Kana beto ke sala mambu yai ya beto me tanga awa mpi mambu mingi ya nkaka, beto ta monisa nde beto ke “kuditwadisa na masonga na mambu yonso.”​—Baebreo 13:18.

Yezu tubaka nde balongoki na yandi fwete vanda “ve bantu ya nsi-ntoto.” (Yoane 15:19) Yo ke tendula nde bo fwete kangama kaka na Kimfumu ya Nzambi mpi bo fwete kota ve na mambu ya politiki ya nsi-ntoto yai mpi na bitumba. Ya kieleka, yo ke vandaka ve ntangu yonso pete sambu na kulanda kukangama kaka na Kimfumu ya Nzambi. Bantu lenda seka beto sambu na yo. Ebuna, nki beto fwete sala sambu na kubuya kukota na mambu ya nsi-ntoto yai mpi kulanda kukangama na Yehowa Nzambi?

1. Inki Bakristu ya kieleka ke pesaka bamfumu ya Leta?

Bakristu ya kieleka ke zitisaka bamfumu ya Leta. Beto ke salaka mambu kaka mutindu Yezu tubaka mpi ke ‘pesaka bima ya Kaisali na Kaisali.’ Yo ke tendula nde beto ke lemfukaka na bansiku ya insi, mu mbandu bansiku ya ke lombaka beto na kufuta mpaku. (Marko 12:17) Biblia ke tubaka nde bantu ke yalaka kaka sambu Yehowa me pesaka bo nzila ya kuyala. (Baroma 13:1) Yo yina beto ke zabaka nde kiyeka ya bimfumu ya bantu ke vandaka ti ndilu. Beto ke tulaka ntima nde Nzambi na beto mpamba mpi Kimfumu na yandi na zulu ta manisa bampasi ya bantu.

2. Inki beto fwete sala sambu na kumonisa nde beto ke kangamaka kaka na Kimfumu ya Nzambi?

Bonso Yezu, beto fwete kota ve na mambu ya politiki. Bantu sosaka kutula Yezu Ntotila na bo ntangu bo monaka mambu ya kuyituka yina yandi salaka. Kansi Yezu buyaka. (Yoane 6:15) Sambu na nki yandi buyaka? Sambu yandi tubaka ntangu fioti na nima nde: “Kimfumu na mono kele ve ya nsi-ntoto yai.” (Yoane 18:36) Beto balongoki ya Yezu, beto ke monisaka nde beto ke kangamaka na Kimfumu ya Nzambi na mitindu mingi. Mu mbandu, beto ke nwanaka ve bitumba. (Tanga Mika 4:3.) Beto ke zitisaka bidimbu ya ke monisaka insi, mu mbandu drapo. Kansi beto ke sambilaka yo ve. (1 Yoane 5:21) Beto ke kotilaka ve ata kimvuka mosi ya politiki to muntu mosi ya politiki ya ke zola nde bo pona yandi sambu yandi kuma mfumu. Diaka, beto ke teleminaka mpi ve ata kimvuka mosi to muntu mosi ya politiki. Ntangu beto ke salaka mambu yai mpi mambu mingi ya nkaka, beto ke monisaka nde beto ke kangamaka mpenza na Kimfumu ya Nzambi.

LONGUKA MAMBU MINGI

3. Bakristu ya kieleka ke kangamaka kaka na Kimfumu ya Nzambi

Yezu ti balongoki na yandi me pesaka beto mbandu ya mbote. Beno tanga Baroma 13:1, 5-7 mpi 1 Piere 2:13, 14. Na nima, beno tala VIDEO mpi beno pesa mvutu na bangiufula ya ke landa.

VIDEO: Bakristu ya Kieleka Ke Kotaka Ve na Mambu ya Nsi-Ntoto Yai​—Kitini 1 (4:28)

• Sambu na nki beto fwete zitisa bamfumu ya Leta mpi kulemfukila bo?

• Tanga mwa mambu ya beto lenda sala sambu na kumonisa nde beto ke lemfukilaka bo.

Ntangu bansi zole to bimvuka zole ke nwanaka, bansi ya nkaka lenda tuba nde bo ke kotaka ve na bitumba, ata mpidina bo ke sadisaka bansi to bimvuka yina zole ya ke nwana. Kubuya kukota na bitumba ke tendula mpenza nki? Beno tanga Yoane 17:16. Na nima, beno tala VIDEO mpi beno pesa mvutu na ngiufula ya ke landa.

VIDEO: Bakristu ya Kieleka Ke Kotaka Ve na Mambu ya Nsi-Ntoto Yai​—Kitini 2 (3:11)

• Kubuya kukota na mambu ya politiki ke tendula nki?

Inki beto ta sala kana bamfumu ya Leta ke lomba beto na kusala kima mosi ya ke fwa bansiku ya Nzambi? Beno tanga Bisalu 5:28, 29. Na nima, beno tala VIDEO mpi beno pesa mvutu na bangiufula ya ke landa.

VIDEO: Bakristu ya Kieleka Ke Kotaka Ve na Mambu ya Nsi-Ntoto Yai​—Kitini 3 (1:18)

• Kana nsiku ya bantu ke fwa nsiku ya Nzambi, beto fwete zitisa nsiku ya nani?

• Tanga mwa mambu yina Bakristu fwete sala ve kana bamfumu ya Leta me lomba bo na kusala yo.

4. Kukota ve na politiki na mambu ya nge ke yindula mpi ke sala

Beno tanga 1 Yoane 5:21. Na nima, beno tala VIDEO mpi beno pesa mvutu na bangiufula ya ke landa.

VIDEO: Sambu na Nki Bakristu ya Kieleka Kele na Mfunu ya Kikesa Sambu na Kukota Ve na Mambu ya Politiki? (2:49)

• Mutindu video me monisa yo, sambu na nki mpangi Ayenge buyaka kukota na kimvuka mosi ya politiki to kusala mambu yina bantu ke salaka sambu na lukumu ya insi, mu mbandu kupesa drapo lusaku?

• Nge ke ndima nde yandi bakaka lukanu ya mbote?

Inki mambu ya nkaka lenda sala nde yo kuma mpasi sambu beto landa kukangama na Kimfumu ya Nzambi? Beno tala VIDEO mpi na nima beno pesa mvutu na bangiufula ya ke landa.

VIDEO: Malongi Yina Beto Me Baka na Nzozulu ya Nkengi​—Kudikotisa Ve na Mambu ya Nsi-Ntoto Yai ya Kukabwana (5:16)

• Inki mutindu beto lenda monisa nde beto ke kotaka ve na mambu ya nsi-ntoto yai ntangu beto ke tala bansaka ya ke vukisa bansi mingi?

• Inki beto fwete sala sambu na kukota ve na mambu ya politiki yo vanda bamfumu ya politiki me baka balukanu yina ta natila beto mambote to bampasi?

• Sambu na nki beto fwete bika ve nde bansangu ya beto ke landa na radio, na televizio to bantu ya beto ke zingaka ti bo kupusa beto na kudikotisa na mambu ya nsi-ntoto yai?

NA BUNKUFI

Bakristu ya kieleka ke salaka bikesa ya kukota ve na mambu ya politiki yo vanda na mambu ya bo ke yindula, na mambu ya bo ke tuba mpi na mambu ya bo ke sala.

Inki Nge Me Simba?

• Inki beto fwete pesa bamfumu ya Leta?

• Sambu na nki beto ke kotaka ve na mambu ya politiki?

• Inki mambu lenda sala nde yo kuma mpasi sambu beto landa kukangama kaka na Kimfumu ya Nzambi?

TALA MPI

Yo lenda lomba nde beto ndima nki mambu ya mpasi sambu beto kota ve na mambu ya politiki?

Yehowa Ke Bikaka Beto Ve na Ntangu ya Mpasi (3:14)

Tala mutindu mabuta lenda kudibongisa na ntwala sambu bo landa kukangama kaka na Kimfumu ya Nzambi ata na ­bantangu ya mpasi.

Kukota Ve na Mambu ya Ke Monisa Zola ya Insi (4:25)

Tala sambu na nki kukumisa insi kele ve lukumu ya nene sambu na muntu ya ke kumisa yo.

“Nzambi Lenda Sala Mambu Yonso” (5:19)

Tala mutindu nge lenda monisa nde nge kele ve muntu ya nsi-ntoto yai ntangu yo ke lomba nde nge pona kisalu ya nge fwete sala.

“Konso Muntu Fweti Baka Kilo na Yandi Mosi” (Nzozulu ya Nkengi Aprili 1, 2006)