• Bamvula Nkama na Nsi ya Luyalu ya Kimfumu!
    Nzozulu ya Nkengi—2015 | novembre 15

    •  2. Bantu ikwa vandaka ntangu Yezu pesaka ntuma yina kele na Matayo 28:19, 20, mpi sambu na nki beto ke tuba mutindu yina?

      2 Ntangu fioti na nima ya lufutumuku ya Yezu, yandi monanaka na kimvuka mosi ya bantu kuluta 500 yina kumaka balongoki na yandi na nima. (1 Bakorinto 15:6) Ziku, kele na dibaku yai ya Yezu pesaka bo ntuma ya kukwenda kusamuna na “bantu ya makanda yonso.” Kisalu yai vandaka ve pete.a (Tala noti na nsi ya lutiti.) Yandi zabisaka bo nde kisalu ya kusamuna ta salama na nsungi mosi ya nda, tii na “nsukilu ya ngidika ya bima.” Ntangu nge ke samuna nsangu ya mbote bubu yai, nge ke pesaka maboko na kulungana ya mbikudulu yai.​—Matayo 28:19, 20.

  • Bamvula Nkama na Nsi ya Luyalu ya Kimfumu!
    Nzozulu ya Nkengi—2015 | novembre 15

    • a Ntembe kele ve nde mingi na kati ya bantu yina vandaka na kimvuka yai kumaka Bakristu. Sambu na nki beto ke tuba mpidina? Sambu ntumwa Polo bingaka bo ‘bampangi 500.’ Diaka, yandi tubaka nde: “Mingi na kati na bo kele kaka ti beto, kansi bankaka me fwaka.” Yo ke monana nde Polo ti Bakristu ya nkaka zabaka bantu mingi yina vandaka ntangu Yezu pesaka ntuma ya kusamuna.