Kisambu ya Kuvutula Matondo

1. Beto kekembila nge Yehowa,

Na nge ndinga na beto kemata.

Beto kefukimina nge Mfumu,

Nge muntu ya kewaka bisambu.

Konso lumbu beto kesumukaa

Mpi beto kelomba nge ndolula.

Menga ya Kristu sumbaka beto.

Beto kezola nge longa beto.

2. Kyese na bayina nge kebinga

Na nzo na nge sa na kulongama.

Twadisa beto ti Ndinga na nge.

Mpi longa beto na kuzaba nge.

Diboko na nge ke ngolo mpenza,

Yo kepesaka beto kikesa.

Beto fwe kumisa mpi kulonga,

Kimfumu ya Nzambi’a kegulusaa.

3. Bika nde dikebi na nge Nzambi

Kukotisa mpenza kyese mingi.

Kimfumu na nge Yah takatula,

Bamaladi, bampasi, ti lufwa.

Yezu tafwa bantu yonso ya mbi;

Mpi lugangu taboka na nsayi.

Ye beto tayimba na ntonda nde:

“Nkembo na Yah Ntotila ya nene!”