-
Mbela Kalunga okwa hala ovanhu va kale hava hokolola omatimba avo?Oshungonangelo — 2010 | Oktoba 1
-
-
Natango pandja Ombibeli yoye kembo laJakob, omo hatu hange eendjovo edi tadi ladipike, tadi ti: “Ope na tuu umwe mokati keni ta vele? Oye na ifane ovakulunhu veongalo, ndele vo nave mu ilikanene ndele nave mu vaeke omaadi medina lOmwene. Neilikano leitavelo otali xupifa omunaudu, Omwene note mu yambukifa po, ndele ngenge okwa hangika a tula etimba, otae mu kufilwa po.” — Jakob 5:14, 15.
Meevelishe odo, ovakulunhu veongalo ile ovakulunhuongalo natango ova lombwelwa va file oshisho eemhumbwe doufita. Ngahelipi mbela? Kave na ashike okupwilikina eshi tava hokololelwa omatimba, ndele molwaashi omunhu oo a nyona ota vele pamhepo, ove na okuninga po sha opo va dule ‘okuxupifa omunaudu’ oo. Jakob okwa tumbula oinima ivali oyo i na okuningwa.
-
-
Mbela Kalunga okwa hala ovanhu va kale hava hokolola omatimba avo?Oshungonangelo — 2010 | Oktoba 1
-
-
Oshitivali, ‘eilikano leitavelo.’ Nonande omailikano ovakulunhu veongalo itaa ka imba Jehova a longe ouyuki, omailikano avo okwa fimana kuJehova oo a halelela okudima po omatimba pakanghameno lekuliloyambo laKristus. (1 Johannes 2:2) Kalunga okwe lilongekida okukwafela omunyoni keshe oo e livela shili ombedi nota longo “oilonga ei ya wapalela elidilululo.” — Oilonga 26:20.
-