13 Бірақ Мұса Ехобаға былай деді: “Онда бұл мысырлықтардың құлағына жетеді. Ал сен бұл халықты құдіретті күшіңмен олардың арасынан алып шыққансың+. 14 Олар естігендерін біз бара жатқан жердің тұрғындарына айтып береді. Бұлар болса, Ехоба, сенің өз халқыңмен бірге келе жатқаныңнан+ және оларға көрініп, жүзбе-жүз сөйлескеніңнен+ хабардар. Сондай-ақ сенің Ехоба екеніңді біледі, халқыңның үстінде бұлтың тұрғанын, ал жол жүргенде күндіз бұлт бағанасымен, түнде от бағанасымен бастап келе жатқаныңды да біледі+.