Зәбүр

9 Уа, Ехоба, мен сені бар жүрегіммен мадақтаймын,

Күллі керемет істеріңді жариялаймын+.

 2 Өзіңді ойлап қуанып, өзіңді ойлап шаттанамын,

Уа, Құдай Тағала, есіміңді мадақтап әнге қосамын+.

 3 Дұшпандарым кері шегінгенде+,

Алдыңда сүрініп, құрып жоқ болады.

 4 Өйткені ісімді әділ шешіп, мүддемді қорғайсың,

Тағыңда отырып әділ сот жүргізесің+.

 5 Халықтарды әшкерелеп+, зұлымның көзін құрттың,

Есімдерін мәңгілікке өшірдің.

 6 Жауларым мәңгіге құрыды,

Сен олардың қалаларын жермен-жексен еттің,

Енді олар ешқашан еске алынбайды+.

 7 Ал Ехоба тағында мәңгі бақи отырады+,

Әділ сот жүргізу үшін тағын берік орнатады+.

 8 Ол жер тұрғындарын әділ соттайды+,

Халықтарға әділ шешімдер шығарады+.

 9 Ехоба — қаналғандар үшін мықты қорған+,

Қасіретке ұшырағандарында, қауіпсіз пана болады+.

10 Есіміңді білетіндер өзіңді медет тұтады+,

Өзіңді іздегендерді сен ешқашан тастамайсың, уа, Ехоба+.

11 Сионда мекендейтін Ехобаны мадақтап ән шырқаңдар,

Халықтар арасында істерін жариялаңдар+.

12 Бейшаралардың төгілген қаны үшін кек алатын Құдай оларды есте ұстайды+,

Олардың жанайқайын еш ұмытпайды+.

Өлім қақпаларынан мені тұрғызып алған өзің едің ғой+,

14 Сенің мадаққа лайық істеріңді Сион қызының қақпаларының алдында жариялайын+,

Құтқарғаныңа қуана шаттанайын+.

15 Халықтар қазған орларына өздері құлады,

Құрған торларына өздерінің аяқтары шырмалды+.

17 Зұлым жан көрге* қарай шегінеді,

Құдайды ұмытқан халықтардың бәрі де сөйтеді.

18 Ал жарлы үнемі ұмыт қала бермейді+,

Момынның үміті ешқашан үзілмейді+.