Зәбүр

77 Құдайға дауыстап жалбарынамын,

Құдайыма жалынамын, ол маған құлақ түреді+.

 2 Қиналған шақтарымда мен Ехобаны іздедім+,

Түнде көкке қолымды жайып, үздіксіз сиындым.

 3 Құдайды есіме алғанымда, аһ ұрамын+,

Аласұрып, қауқарымнан айырыламын+. (Села)

 4 Сен маған кірпік қақтырмадың,

Қатты абыржып, сөйлей де алмадым.

 5 Мен ежелгі заман жөнінде,

Алыстағы жылдар жөнінде ойланамын+.

 6 Түнде әнімді еске аламын+,

Жүрегімде ойланып-толғанамын+,

Мұқият зерттеп, ізденемін.

10 “Мені мазалайтын мынау+ —

Құдай Тағала бізді қолдауын қойды”,— дей бермекпін бе?

11 Мен Ехобаның* істерін есіме аламын,

Ежелде жасаған керемет істеріңді есіме аламын.

12 Сенің бар әрекеттерің жайлы ойланамын,

Істерің жайлы толғанамын+.

15 Құдіретті күшіңмен өз халқыңды,

Жақып пен Жүсіптің ұлдарының құнын өтеп алдың+. (Села)

16 Сені сулар көрді, уа, Құдай,

Сулар сені көрді де, мазалары қашты+,

Терең сулар да толқыды.

17 Бұлттардан жаңбыр жауды;

Бұлтты аспан күркіреді де,

Жебелерің жан-жақтан ұшты+.

Найзағай ойнап, жер бетін жарқыратты+;

Жер шайқалып, дірілдеді+.

19 Сенің жолың теңіз арқылы,

Көп сулар арқылы өтті+;

Сөйтсе де іздерің көрінбеді.

20 Сен халқыңды отардай алып жүрдің+,

Мұса мен Харонның қолымен жетеледің+.