Әйүп

 3 Олар жер бауырлап төлдейді де,

Толғақ азабы бітеді.

 4 Ал төлдері ашық далада өсіп, күшейеді;

Енелерінен ажырайды да, оларға қайта келмейді.

 5 Құланды еркіне жіберіп+,

Жібін шешіп, босатқан кім?

 6 Мен оған шөл даланы тұрақ,

Соры шыққан жерді мекен етіп бердім.

 7 Ол қаланың шуынан тым алшақ,

Мал айдаушының айқайын да естімейді.

 8 Жайылым қарап, қыраттарды шарлайды,

Азық болатын көк өсімдік іздейді.

 9 Жабайы бұқа саған қызмет еткісі келіп+,

Қораңдағы ақырдың басында түней ме?

11 Оның дүлей күшіне сеніп,

Ауыр жұмысыңды істетіп қоясың ба?

12 Ол астығыңды жинап әкеп,

Қырманыңа үйіп береді деп үміттенесің бе?

13 Түйеқұс шаттана қанатын қағады,

Бірақ қауырсыны мен мамығы дегелектікіне жетпейді+.

14 Ол жұмыртқаларын жерге тастап кетіп,

Топырақта жылы сақтайды.

15 Оларды біреу таптап кетеді деп

Немесе жабайы аң басып кетеді деп ойламайды.

16 Өз балаларына өзгенікіндей қатыгез қарайды+,

Еңбегім зая кетеді-ау деп уайымдамайды.

17 Себебі Құдай оған даналық дарытпаған,

Түсініктен де құралақан қалдырған.

18 Бірақ қанатын қағып шабатын болса,

Тұлпар мен шабандозды күлкіге қалдырады.

19 Тұлпарға күш-қуат берген+,

Желкесіне желбіреген жал бітірген сенсің бе?

21 Ол иен далада тұяғымен жер тебініп, күші тасып тулайды+,

Өршелене шайқасқа лап қояды+.

22 Үрейге күле қарайды, қорқу дегенді білмейді+,

Семсерден де именбейді.

23 Шабандоздың қорамсағы сатырлап мойнына тиеді,

Найзасы мен сүңгісі жалтырайды.

24 Керней тартылғанда, ол ойнақшып алға ұмтылады,

Орнында тұра алмай* еліреді.

25 Керней үнін естігенде, қуана кісінейді,

Шайқас иісін алыстан сезіп,

Қолбасшылар даусы мен соғыс айқайына құлағын тіктейді+.

26 Сұңқар сенің түсінігіңнің арқасында оңтүстік желіне қанатын жайып,

Әуеде қалықтай ма?

27 Бүркіт сенің бұйыруыңмен заңғар көкке самғап+,

Ұясын биік жерге сала ма+?

28 Оған құз басында түнеп,

Берік жартасты мекен етуді бұйырған сен бе едің?

29 Сол жерден ол көзімен айналаны шарлап, азық іздейді+,

Алыстағы жемтігін қалт жібермейді.

30 Балапаны қанмен тояттанады,

Қай жерде өлексе бар болса, бүркіт те сол жерде болады+”.