Зәбүр

 2 Атын мадақтап, Ехобаға ән шырқаңдар,

Құтқаратыны жайлы ізгі хабарды күн сайын жариялаңдар+.

 3 Ұлттар арасында ұлылығын,

Күллі халықтар арасында керемет істерін жариялаңдар+.

 4 Ехоба ұлы, әрі мадаққа әбден лайық,

Күллі құдай атаулыдан әлдеқайда айбынды.

 5 Өзге халықтар табынатын құдайлардың бәрі де түкке тұрғысыз+,

Ал Ехоба — көкті жаратқан Құдай+.

 6 Ұлылық пен салтанат оның алдында+,

Күш пен әсемдік киелі тұрағында+.

 7 Ру атаулы, Ехобаға тиістісін беріңдер,

Салтанаты мен құдіреті үшін, Ехобаға тиістісін беріңдер+!

 9 Киелі сән-салтанатпен* Ехобаға бас иіңдер,

Жержүзі, оның алдында қалтырап-дірілдеңдер!

11 Лайым көк шаттансын, жер де қуансын,

Лайым теңіз бен ондағының бәрі шуласын+.

12 Дала мен ондағылардың бәрі шаттансын+,

Ормандағы ағаштар да қуана айғайласын+.

13 Бұның бәрі Ехобаның алдында жасалсын,

Өйткені ол келе жатыр,

Иә, жерді соттауға келе жатыр.

Ол жер тұрғындарын әділ соттайды+,

Адамдарға адалдықпен үкім айтады+.