Самуилдің 2-жазбасы

 3 Құдайым — пана табар жартасым+,

Менің қалқаным+, құтқарушы мүйізім*, қауіпсіз панам+,

Құтқарушым+ әрі баспанам+.

Сен мені зорлық-зомбылықтан сақтайсың.

 4 Мадаққа лайық Ехобаға сиынамын,

Сонда жауларымнан құтқарыламын.

 5 Мені өлім толқындары қоршады+,

Оңбаған адамдар екпінді тасқындай зәремді алды+.

 6 Көрдің* арқаны мені матады+,

Өлім маған тұзақ құрды+.

 7 Бойымды қайғы меңдегенде, Ехобаға жүгіндім+,

Құдайыма үздіксіз сиындым.

Киелі шатырынан ол үнімді естіді,

Зарлаған даусым құлағына жетті+.

 8 Жер шайқалды, дүмпіді+,

Көктің іргесі де дірілдеді+,

Себебі Құдай қаһарына мінді+.

 9 Мұрнынан түтін будақтап, аузынан жойқын от лаулады+,

Тұла бойынан қызған шоқ атқылады.

10 Құдай көкті иіп, төмен түсті+,

Аяғының астына қара бұлт үйірді+.

12 Ол түнекке оранды,

Айналасына жаңбырлы қара бұлт үйірді,

14 Көктен Ехоба күн күркіретті+,

Құдай Тағала даусын гүрілдетті+.

15 Жебе атқылап+, жауларын жан-жаққа бытыратты,

Найзағай ойнатып, әбден абдыратты+.

16 Ехобаның сөгісінен, танауының екпінді лебінен+

Теңіз түбі көрінді+,

Жердің негіздері жалаңаштанды.

17 Ол көктен қолын созды,

Мені ұстап, терең судан шығарып алды+.

18 Күші басым жауымнан,

Мені жек көретін мықты дұшпандарымнан құтқарды+.

19 Бақытсыздыққа ұшырағанымда, олар қарсы шығып еді+,

Бірақ Ехоба маған тірек болды.

20 Ол мені қауіпсіз жерге әкелді+,

Маған көңілі толғандықтан азат етті+.

21 Ехоба әділдігіме қарай қарымтамды қайтарды+,

Кінәратсыздығыма қарай есемді берді+.

22 Себебі мен Ехобаның жолымен жүрдім,

Құдайымнан безіп, зұлымдық та жасамадым.

23 Қайта, барлық шешімдері+ көз алдымда,

Бас тартпаймын жарлықтарынан да+.

24 Оның алдында мінсіздігімді сақтаймын+,

Заңсыздық атаулыдан аулақ боламын+.

25 Лайым Ехоба әділдігіме қарай қарымтамды берсін+,

Алдында кінәратсыз жүргеніме қарай есемді қайтарсын+.

26 Сен адал адамға адалдық танытасың+,

Мінсіз жанның мінсіздігіне қарай әрекет қыласың+.

27 Жүрегі таза адамға таза екеніңді көрсетесің+,

Арамзаға тапқырлығыңды паш етесің*+.

28 Кішіпейіл жанды аман сақтайсың+,

Ал тәкаппарларға жаратпай қарап, көкірегін басасың+.

29 Өйткені, Ехоба, сен менің шам-шырағымсың+,

Уа, Ехоба, түнегімді де өзің жарқыратасың+.

30 Сенің көмегіңмен бір топ қарақшыға да қарсы тұрамын,

Құдайымның күшімен дуалға да шығамын+.

31 Шынайы Құдайдың жолы кемелді+,

Сөзі де Ехобаның саф таза+.

33 Шынайы Құдай — мызғымас қамалым+,

Ол жолымды түзулеп, мінсіз қылады+.

34 Аяғымды маралдікіндей жүйрік етеді,

Биік жерлерге нық тұрғызады+.

35 Қолымды үйретеді шайқасуға,

Сонда ие аламын мыс садақты да.

36 Сен мені қалқан боп құтқарасың,

Кішіпейілділігің мерейімді өсіреді+.

37 Қадам басар жолымды кеңейтесің,

Аяғым еш таймайды+.

38 Жауларымның соңына түсіп, көзін құртамын,

Оларды түгел жоймай қайтпаймын.

39 Енді қайтып бас көтермейтіндей етіп көздерін құртамын, талқандаймын+.

Оларды аяғымның астына жығамын.

40 Сен маған шайқасуға күш сыйлайсың+,

Дұшпандарымды аяғымның астына жығасың+.

41 Жауларымды қашуға мәжбүр етесің*+,

Сонда өзімді жек көретіндердің үнін өшіремін+.

42 Олар көмек сұрап айғайлайды, бірақ ешкім құтқармайды,

Тіпті Ехобаға жалбарынады, бірақ одан еш жауап алмайды+.

43 Мен оларды жердің тозаңындай ұнтақтаймын,

Көшедегі балшықтай езгілеймін, жермен-жексен етіп мылжалаймын.

Аман сақтайсың басшы ету үшін ұлттарға+,

Маған қызмет етеді өзім білмеген халық та+.

45 Жатжерліктер маған келіп жағымпазданады+,

Сөзіме құлақ асып, мойынсұнады.

46 Жатжерліктер батылдықтан жұрдай болады,

Дірілдеп қамалдарынан шығады.

48 Шынайы Құдай мен үшін кек алады+,

Халықтарды маған бағындырады+,

49 Ол жауларымнан құтқарады.

Уа, Құдай, маған шабуылдағандардан сен мені жоғары қоясың+,

Зұлым адамнан аман сақтап қаласың+.

50 Сондықтан, уа, Ехоба, өзіңді ұлттар арасында мадақтайын+,

Атыңды әнге қосып даңқтайын+:

51 Ол өзі тағайындаған патша үшін зор кереметтер жасайды+,

Өз майланғанын, Дәуіт пен оның ұрпағын,

Айнымас сүйіспеншілігінен еш айырмайды+”.