Ишая
12 Сол күні сен былай дейтін боласың:
“Уа, Ехоба, саған алғыс айтамын!
Өйткені сен маған ашулансаң да,
Райыңнан қайтып, мені жұбаттың+.
2 Міне, Құдай — менің құтқарушым+.
Соған сенім артып, қорықпай өмір сүремін+.
Себебі күшім де, қуатым да — Ехоба*, иә, Ехоба!
Ол менің құтқарушым болды+”.
4 Сол күні былай дейсіңдер:
“Ехобаға алғыс айтыңдар!
Оның есімін атап шақырыңдар,
Халықтар арасында істерін жария қылыңдар+,
Есімінің асқақ екенін айтыңдар+!
5 Ехобаға мадақ әнін шырқаңдар+, өйткені ол таңғажайып істер жасады+.
Күллі жержүзі бұны білетін болсын.
6 Ей, Сион тұрғыны, шаттана айғайла,
Себебі араңдағы Исраилдің Киелі Құдайы аса ұлы!”