Әйүп

37 Бұдан менің жүрегім аттай тулап,

Орнынан ыршып кетейін деп тұр.

 2 Құдайдың даусының гүрілін,

Аузынан шыққан күркірін, мұқият тыңдаңыз.

 3 Ол оны бүкіл аспан астында жаңғыртады,

Найзағайын жердің шетіне дейін ойнатады+.

 4 Бұдан кейін гүріл естіледі;

Ол зор дауыспен күркірейді+ де,

Даусы естілгенде, найзағайына ерік береді.

 5 Құдай ғажайып күркіреген даусын шығарады+,

Біз ұға алмайтындай ұлы істер жасайды+.

 6 Ол қарға “Жерге жау!”+,

Нөсерге “Шелектеп құй!” дейді+.

 7 Әрбір пендеге Құдай өз істерін білдіру үшін,

Олардың іс-әрекетін тоқтатып тастайды.

 8 Жабайы аңдар індеріне тығылады,

Сол жерде жасырынып жатады.

 9 Дауыл өз тұрағынан соғады+,

Үскірік солтүстік желмен келеді+.

10 Құдайдың демінен мұз пайда болады+,

Ұшы-қиыры жоқ сулар қатып қалады+.

11 Ол бұлттарды ылғалдандырып ауырлатады,

Араларынан найзағай ойнатады+,

12 Құдай қайда бағыттаса, олар сонда көшеді,

Жер бетіне қатысты не бұйырса, соны істейді+.

13 Бұларды Құдай жазалау+, жерді суару,

Немесе айнымас сүйіспеншілігін көрсету үшін қолданады+.

14 Әйүп, мынаған құлақ асыңыз,

Кідіріп, Құдайдың керемет істеріне мұқият зер салыңыз+:

15 Оның бұлттарға қалай билік жүргізетінін,

Қалай олардың арасынан найзағай ойнататынын білесіз бе?

17 Оңтүстіктен жел соқса,

Неге киіміңіз ысып кетеді, ал жер міз бақпай тұра береді+?

18 Құдаймен бірге еңбектеніп,

Аспанды мыс айнадай қатты ете аласыз ба+?

21 Күн нұры жарқырап тұрса да,

Жел бұлттарды қуып тастап, аспан ашылмайынша,

Адамдар жарықты көре алмайды.

22 Солтүстіктен алтын сәуле жарқырайды,

Құдайдың ұлылығы+ қастерлі сезімге бөлейді.

23 Құдірет Иесін* біз толық танып-біле алмаймыз+,

Оның күші орасан зор+,

Ол әрқашан әділ+ әрі турашыл әрекет етеді+.

24 Сондықтан адамдар одан қорқулары керек+,

Өйткені ол өзін дана санайтындарға ықыласын түсірмейді+”.