Зәбүр

43 Төрелік етші, уа, Құдайым+,

Опасыз халыққа қарсы сот ісінде мені қорғашы+.

Алдампаз, әділетсіз адамнан құтқаршы.

2 Өйткені сен менің Құдайымсың, қамалымсың+.

Неге менен бас тарттың?

Неге мен жауымнан қысым көріп, мұңайып жүруім керек+?

3 Жарығың мен шындығыңды жіберші+.

Олар мені жетелеп алып жүрсінші+,

Өзіңнің киелі тауың мен ұлы шатырыңа жетелесінші+.

4 Сонда мен Құдайымның құрбандық ошағына келемін+,

Құдайыма шат-шадыман боп қуанамын.

Уа, Құдай, менің Құдайым, арфамен өзіңді мадақтаймын+.

5 Жаным, неге түңілесің?

Көңілім, неге сонша алай-түлей боласың?

Құдайды күт+,

Себебі мен Ұлы құтқарушымды әрі Құдайымды әлі де мадақтайтын боламын+.