Зәбүр

 2 Арфамен Ехобаға алғыс айтыңдар,

Он ішекті аспаппен оған мадақ әнін арнаңдар.

 3 Оған жаңа ән айтыңдар+,

Аспапты мәнерлей шертіп, қуанышпен дауыстаңдар.

 4 Өйткені Ехобаның сөзі — шындық+,

Барлық істеген істері сенім артуға тұрарлық.

 5 Ол әділдік пен әділеттілікті сүйеді+;

Жер беті Ехобаның айнымас сүйіспеншілігіне толы+.

 6 Ехобаның сөзімен көк жаратылды+,

Аузының лебімен ондағының бәрі* пайда болды.

 7 Ол бөгет қойғандай, теңіз суларын жинайды+,

Шапшыған суларды қоймаға жиып қояды.

 8 Күллі жер Ехобадан қорықсын+,

Жердің тұрғындары оны қастерлесін.

 9 Себебі ол айтып еді, жүзеге асты+;

Бұйырып еді, бұлжымай орындалды+.

10 Ехоба халықтардың арам пиғылын жоққа шығарады+,

Олардың жоспарларын бұзады+.

11 Ехобаның шешімдері болса мәңгі тұрады+,

Жүрегіндегі ойлары ұрпақтан ұрпаққа жалғасады.

12 Ехоба қай халықтың Құдайы болса,

Кімді меншікті иелігі етіп таңдаса, сол халық бақытты+.

13 Ехоба көктен төмен қарайды да,

Күллі адамзатты көреді+.

15 Ол адам атаулының жүрегін қалыптастырды;

Барлық істерін тексереді+.

16 Патшаны қалың әскері құтқармайды+,

Жауынгерді де зор күші сақтамайды+.

17 Тұлпарым құтқарады деп сенген кісі өзін алдайды+,

Оның ерен күшімен де ол құтыла алмайды.

18 Міне, Ехоба өзінен қорқатындарға,

Айнымас сүйіспеншілігіне үміт артатындарға назарын тігеді+.

19 Мұны оларды өлімнен құтқару үшін,

Аштық кезінде аман сақтау үшін істейді+.

20 Біз Ехобаны күтудеміз,

Ол біздің көмекшіміз әрі қалқанымыз+.

21 Оны ойлап жүрегіміз қуанышқа толады,

Себебі киелі есіміне арқа сүйейміз+.

22 Уа, Ехоба, біз сені күтуден талмаймыз+,

Айнымас сүйіспеншілігің бізбен бірге болсын+.