Зәбүр

1 Зұлымдардың кеңесімен жүрмейтін,

Күнәкарлардың жолына түспейтін+,

Мазақтаушылармен бірге отырмайтын+ адам неткен бақытты!

 2 Ол Ехобаның* заңынан қуаныш табады+,

Оның заңын күні-түні күбірлеп оқиды*+.

 3 Ол сулардың жағасына отырғызылған,

Мерзімінде жемісін беретін,

Жапырақтары еш қурамайтын ағашқа ұқсайды.

 4 Ал зұлымдардың жағдайында бұлай болмайды,

Олар жел ұшырып әкететін қауызға ұқсайды,

 5 Сондықтан сотталғанда, еш ақтала алмайды+.

 6 Өйткені Ехоба әділдердің істерін біледі+,

Ал зұлымдар істерімен қоса құрып кетеді+.