Зәбүр

Дәуіттің жыры.

138 Бар жүрегіммен, Құдайым, өзіңді мадақтаймын+,

Басқа құдайлардың алдында өзіңе мадақ әнін айтамын*.

2 Киелі ғибадатханаңа қарап тағзым етемін+,

Айнымас сүйіспеншілігің мен адалдығың үшін есіміңді дәріптеймін+.

Өйткені сен сөзің мен есіміңді бәрінің үстінен асқақтаттың*.

3 Өзіңді шақырған күні маған жауап бердің+;

Бойыма батылдық, күш дарыттың+.

4 Уа, Ехоба, жердің барлық патшалары сені мадақтайды+,

Өйткені берген уәделерің құлақтарына жетті.

5 Олар Ехобаның жолдары жайлы ән шырқайды,

Өйткені Ехобаның ұлылығы зор+.

6 Ехоба жоғары болса да, кішіпейіл жанды байқайды+,

Ал тәкаппар адамды маңына жуытпайды+.

7 Қауіп-қатердің ортасында жүрсем де, сен мені аман сақтайсың+.

Ашулы жауларыма қолыңды созасың,

Мені оң қолыңмен құтқарасың.

8 Ехоба маған деген ниетін толық жүзеге асырады.

Уа, Ехоба, сенің айнымас сүйіспеншілігің мәңгі+,

Қолыңнан шыққан жаратылысыңнан бас тартпашы+.