Ишая

Өйткені сен керемет істер жасадың+,

Оларды ежелден ниет еткен едің+,

Адалдықпен+ жүзеге асырдың.

 2 Сен қаланы бір төбе тасқа айналдырдың,

Бекіністі шаһарды күл-талқан еттің.

Бөтендердің қаласы қала болудан қалды,

Ол енді ешқашан қайта салынбайды.

 3 Сондықтан сені мықты халық даңқтайды,

Қатыгез ұлттардың қаласы сенен қорқатын болады+.

 4 Сен бейшаралар үшін қамал,

Қасірет шеккен жарлылар үшін қорған болдың+.

Жаңбырдан бассауғалайтын пана,

Аптап ыстықтан тығылатын сая болдың+.

Озбырлардың демі қабырғаға соққан дауылдай,

 5 Қуаң жердің аптабындай болғанда,

Сен құдайдан безгендердің шулаған үнін басасың.

Бұлт көлеңкесінің аптап ыстықты басатынындай,

Озбырлардың әні тыйылады.

 6 Әскербасы Ехоба осы тауда+ күллі халықтар үшін бай дастарқан жайып+,

Жақсы шарап қойып той жасайды.

Жілік майына толы бай дастарқан жайып,

Таңдаулы, сүзілген шарап қойып той жасайды.

 7 Осы тауда ол барлық халықтарды жауып тұрған жамылғыны,

Күллі ұлттарды бүркеп тұрған жабуды алып тастайды.

 8 Өлімді біржола жоқ қылады+,

Әлемнің Әміршісі Ехоба барлық көз жасты сүртеді+.

Бүкіл жер бетінде халқын масқарадан арылтады,

Өйткені мұны айтқан — Ехобаның өзі.

Біз оған үміт артамыз+,

Ал ол бізді құтқарады+.

10 Өйткені Ехобаның қолы осы таудың үстінде болады+,

Моаб болса көңге қосып тапталған сабандай,

Тұрған жерінде тапталады+.

11 Жүзуші қолын қалай сермесе,

Құдай да оған қарай қолын солай сермейді.

12 Ол бекіністі қаланы қоршаған биік дуалдарымен қоса қиратады,

Жерге атып ұрып, жермен-жексен қылады.