Зәбүр

94 Уа, зұлымдардан кек алатын Құдай Ехоба+,

Уа, зұлымдардан кек алатын Құдай, жарқырай берші!

 2 Уа, күллі жердің Төрешісі, көтерілші+,

Тәкаппарларға тиісті қарымтасын берші+.

 4 Олардың аузы тынбайды, паңдана сөйлейді,

Күнәкарлардың бәрі өздерін мақтайды.

 5 Уа, Ехоба, олар сенің халқыңды жаншиды+,

Меншікті иелігіңді қанайды.

 6 Олар жесір мен жатжерлік кісіні жояды,

Жетім балаларды да жер құштырады.

 7 Олар: “Ехоба* бұны көрмейді+,

Жақыптың Құдайы мән бермейді”,— дейді+.

 8 Ей, санасыздар, түсінсеңдерші,

Ей, ақымақтар, мұны қашан ұғынасыңдар+?

12 Уа, Ехоба*, өзің түзететін адам бақытты+,

Өзің заңыңды үйрететін адам бақытты+;

13 Басына күн туған шақтарда сен оған тыныштық сыйлайсың,

Зұлым адам орға құлайтын кез келгенше солай етесің+.

14 Себебі Ехоба өз халқын қалдырмайды+,

Мұралы иелігін тастамайды+.

15 Қайтадан әділ үкім шығарылады,

Ақжүрек адамдардың бәрі соған еретін болады.

17 Ехоба маған жар болмағанда,

Тез-ақ құрып кеткен болар едім+.

18 Мен: “Аяғым тайып барады”,— дегенімде,

Сенің айнымас сүйіспеншілігің әрдайым қолдап жүрді, уа, Ехоба+.

19 Сарыуайымға салынғанымда,

Сен мені жұбатып, жаныма жай бердің+.

21 Олар әділге жауыздықпен бас салады+,

Кінәратсыз жанға өлімге лайық деген айып тағады+.

22 Бірақ Ехоба мен үшін қауіпсіз пана болады,

Менің Құдайым — бассауғалар жартасым+.

23 Құдай олардың зұлымдығын өз бастарына келтіреді+,

Өз зұлымдықтары арқылы құртады.