Мұсаның 1-жазбасы
5 Бұл — Адам ата туралы жазба. Құдай Адамды жаратқан күні оны өзіне ұқсас етіп жасады+. 2 Құдай еркек пен әйел затын жаратып+, сол күні оларға батасын берді де, “адам” деп атады.
3 Адам ата 130 жасқа келгенде, өз кейпіне, өзіне ұқсас, ұл сүйді. Оның есімін Сет деп қойды+. 4 Сет туылғаннан кейін, Адам ата 800 жыл өмір сүріп, басқа да ұл-қыздарға әке болды. 5 Адам ата барлығы 930 жыл жасап, қайтыс болды+.
6 Сет 105 жасқа келгенде, ұлы Енос+ туылды. 7 Енос туылғаннан кейін, Сет 807 жыл өмір сүріп, басқа да ұл-қыздарға әке болды. 8 Сет барлығы 912 жыл жасап, қайтыс болды.
9 Енос 90 жасқа келгенде, ұлы Қайнан туылды. 10 Қайнан туылғаннан кейін, Енос 815 жыл өмір сүріп, басқа да ұл-қыздарға әке болды. 11 Енос барлығы 905 жыл жасап, қайтыс болды.
12 Қайнан 70 жасқа келгенде, ұлы Мақалалел+ туылды. 13 Мақалалел туылғаннан кейін, Қайнан 840 жыл өмір сүріп, басқа да ұл-қыздарға әке болды. 14 Қайнан барлығы 910 жыл жасап, қайтыс болды.
15 Мақалалел 65 жасқа келгенде, ұлы Иәрет+ туылды. 16 Иәрет туылғаннан кейін, Мақалалел 830 жыл өмір сүріп, басқа да ұл-қыздарға әке болды. 17 Мақалалел барлығы 895 жыл жасап, қайтыс болды.
18 Иәрет 162 жасқа келгенде, ұлы Енох+ туылды. 19 Енох туылғаннан кейін, Иәрет 800 жыл өмір сүріп, басқа да ұл-қыздарға әке болды. 20 Иәрет 962 жыл жасап, қайтыс болды.
21 Енох 65 жасқа келгенде, ұлы Мәтусала+ туылды. 22 Мәтусала туылғаннан кейін, Енох 300 жыл Құдай жолымен* жүрді. Сол аралықта ол басқа да ұл-қыздарға әке болды. 23 Енох барлығы 365 жыл жасады. 24 Ол Құдай жолынан таймады+. Кейін Енох көзден ғайып болды, себебі Құдай оны алып кеткен еді+.
25 Мәтусала 187 жасқа келгенде, ұлы Ләмех+ туылды. 26 Ләмех туылғаннан кейін, Мәтусала 782 жыл өмір сүріп, басқа да ұл-қыздарға әке болды. 27 Мәтусала барлығы 969 жыл жасап, қайтыс болды.
28 Ләмех 182 жасқа келгенде ұлды болды. 29 Оған Нұх*+ деген есім беріп, ол: “Ехобаның қарғысына ұшыраған жерде еңбек етіп, азап шегіп жүрген+ бізге ол жұбаныш әкеледі”,— деді. 30 Нұх туылғаннан кейін, Ләмех 595 жыл өмір сүріп, басқа да ұл-қыздарға әке болды. 31 Ләмех барлығы 777 жыл жасап, қайтыс болды.
32 Нұх 500 жастан асқан соң, ұлдары Шам+, Хам+ және Япші+ туылды.