Зәбүр

31 Өзіңді паналадым, уа, Ехоба+,

Лайым ешқашан ұятқа қалмайын+.

 2 Еңкейіп маған құлақ түрші,

Тезірек мені құтқаршы+.

 3 Өйткені сен асқар тауым әрі қорғанымсың+,

Өз есімің үшін+ мені жетелейсің, жол сілтейсің+.

 4 Маған жасырын құрылған тордан мені босатасың+,

Сен менің қамалымсың+.

 5 Рухымды өз қолыңа табыстаймын+,

Адал Құдай* Ехоба+, сен құнымды өтеп алдың.

 6 Пайдасыз әрі түкке тұрғысыз пұттарға табынатындарды жек көремін;

Мен Ехобаға арқа сүйеймін.

 7 Айнымас сүйіспеншілігіңе қатты қуанамын,

Өйткені сен менің қасіретімді байқадың+,

Жанымның азабына назар аудардың.

 8 Мені жауымның қолына бермедің,

Қайта, қауіпсіз жерге тұрғыздың.

 9 Мен қасіретке қалдым, уа, Ехоба, ықыласыңды түсіре көр,

Қайғы-мұңнан көзім де, тұла бойым да әлсіреді+.

10 Қайғыдан өмірім,

Күрсінуден жылдарым қысқарып барады+.

Күнәмнің кесірінен қуатым қайтып,

Сүйектерім әлсіреп барады+.

11 Дұшпандарымның бәрі,

Әсіресе жақындарым мені мазақ етеді+.

Таныстарым болса менен қорқады,

Жұрт алдында көрсе, қашады+.

12 Өліп қалғанымдай, мені жүректерінен алып тастады, ұмытты;

Мен сынып қалған құмыраға ұқсаймын.

13 Өзім жайлы лақапты көп естимін,

Қайда қарасам да, бойымды үрей билейді+.

Олар бірі қалмай маған қарсы бас қосып,

Жанымды алуды ойластыруда+.

14 Бірақ мен, уа, Ехоба, өзіңе арқа сүйеймін+;

Өзіңе жүгініп: “Сен менің Құдайымсың!”— деймін+.

16 Қызметшіңе жүзіңнің нұрын түсіре көр+,

Айнымас сүйіспеншілігіңмен құтқара көр.

17 Уа, Ехоба, өзіңді шақырғанымда ұятқа қалмайыншы+,

Қайта зұлымдар ұятқа қалсын+,

Көрге* түсіп, үндері өшсін+.

18 Әділ жанға қарсы паңдана жалған сөйлейтіндердің,

Тәкаппарлық пен жеккөрушіліктің шегін білмейтіндердің, аузына құм құйылсын+.

Сен оны өзіңнен қорқатындар үшін жинайсың+,

Өзіңді паналағандарға күллі жұрт алдында сыйлайсың+.

20 Оларды зұлымдардың арам пиғылынан

Құпия жеріңе тығып қоясың+,

Ащы тілден қорғап, панаңа жасырасың+.

22 Мен абыржып: “Көз алдыңда құрып кетермін, сірә”,— деген едім+,

Бірақ сен көмек сұрап жалбарынған үнімді естідің+.

Ехоба адалдарды қорғайды+,

Ал тәкаппарлардың бәріне қарымтасын толық қайтарады+.

24 Ей, Ехобаға арқа сүйейтіндер+,

Батыл болыңдар, жүректерің де мығым болсын+!