Ишая

Себебі күйеуі* бар әйелден гөрі,

Күйеуі тастап кеткен әйелдің балалары көп болады+,— дейді Ехоба.

 2 —Шатырыңды кеңейт+,

Үлкен шатырыңның жапқышын кеңірек жай.

Жіптерін барынша ұзарт,

Қазықтарын нығайт+.

Ал ұрпақтарың ұлттарға иелік етіп,

Қаңырап бос қалған қалаларға қоныс тебеді+.

 4 Еш қорықпа+, өйткені сен ұятқа қалмайсың+,

Еш арланба, өйткені үмітің ақталмай қалмайды.

Жас күніңде ұятқа қалғаныңды ұмытасың,

Жесір қалып масқара болғаныңды енді қайтып есіңе алмайсың.

 5 Сенің Ұлы Жаратушың+ күйеуің* іспетті+,

Оның есімі — Әскербасы Ехоба.

 6 Ехоба сені күйеуі тастап, жан азабына түскен,

Жас күнінде тұрмыс құрып, кейін күйеуі талақ еткен әйелді шақырғандай шақырып алды+,— дейді сенің Құдайың.

 7 —Мен сені аз уақытқа тастап кеттім,

Бірақ зор мейіріммен қайтарып әкелемін+.

 8 Қаһарымды төккенде, аз уақытқа сенен жүзімді жасырған едім+,

Бірақ мәңгілік айнымас сүйіспеншілігіммен саған мейірім танытамын+,— дейді Құныңды өтеуші+ Ехоба.

Сонда енді қайтып жер бетін топан су қаптамайды деп ант еткенімдей+,

Енді қайтып саған қаһарымды төкпеймін, жазаламаймын деп ант етемін+.

10 Таулар орнынан қозғалар,

Қырлар шайқалар,

Ал менің саған деген айнымас сүйіспеншілігім суымайды+,

Татулық келісімім мызғымайды+,— дейді саған мейірін түсірген Ехоба+.

Мен тастарыңды мықты ерітіндімен,

Іргетасыңды жақұтпен қалаймын+.

12 Дуалыңдағы мұнараларды лағылдан,

Қақпаларыңды шоқтай қызыл тастардан,

Шегара атаулыңды асыл тастардан жасаймын.

Қысымшылықтың не екенін білмейтін боласың+,

Сені ештеңе қорқытпайды, шошытпайды да.

15 Біреу саған шабуылдаса,

Ол мұны менің бұйыруыммен жасамайды.

16 Біліп қой, алаулаған шоқтарды үрлеп,

Қару жасайтын ұстаны өзім жаратқанмын.