Зәбүр

45 Бір ізгілік жүрек қылын шертті де,

Мен: “Патша жайлы ән айтайын”,— дедім+.

 3 Уа, батыр+, семсеріңді+ беліңе асын,

Ұлылық пен салтанатқа бөлен+.

 4 Салтанатпен жеңіске ұмтыл+,

Шындық, кішіпейілділік пен әділдік үшін тұлпарыңды қамшыла+,

Оң қолың таңғажайып істер жасасын*.

 5 Үшкір жебелерің патшаның қастастарының қақ жүрегіне қадалады,

Алдыңда адамдар сұлап жатады+.

 6 Құдайдың өзі мәңгі бақи тағың болады+;

Патшалығыңның асатаяғы — әділдіктің асатаяғы+.

 7 Сен әділдікті сүйіп+, зұлымдықты жек көрдің+,

Сондықтан да Құдай, сенің Құдайың,

Басқа патшаларға қарағанда сені қуаныш майымен+ көбірек майлады+.

 8 Барлық киіміңнен мүр, алоэ, кассияның жұпар иісі аңқиды,

Піл сүйегімен безендірілген зәулім сарайыңдағы ішекті аспап әуені көңіліңді көтереді.

 9 Өзің ардақтайтын әйелдер арасында патша қыздары да тұр,

Ал оң жағыңда Опыр алтынымен+ сәнденген патшайым тұр.

10 Қызым, ден қойып, сөзіме құлақ түр;

Халқыңды да, әкеңнің үйін де ұмыт қалдыр.

11 Патша сенің сұлулығыңды аңсайтын болады,

Ол — сенің иең,

Сондықтан оған иіліп, тағзым ет.

12 Тир қызы тарту-таралғысын әкеледі,

Ең дәулетті кісілер ықыласыңа ие болғысы келеді.

13 Сарайда отыр патша қызы бар сән-салтанатымен,

Үстіндегі киімі алтынмен әрленген.

14 Үлде мен бүлдеге оранған* ол патшаға әкелінеді,

Пәк құрбы қыздары да оның алдына* әкелінеді.

15 Олар зор қуаныш, шаттықпен әкелінеді;

Патша сарайына салтанатпен енеді.